^

Gustong matino kun siya ba gyud ang amahan sa anak sa iyang karelasyon

LEGAL CORNER - Atty. Divine Flores (Banat) - July 20, 2019 - 12:00am

Dear Atty. Divine,

Duna koy karelasyon for about a year but nagbuwag mi tungod kay milarga ko sa gawas. Sa dihang mitrabaho ko abroad mi email nako ang akong ex- girlfriend nga nagpahibawo nga buntis siya ug ako ang amahan. Tungod niini ako siyang gisuportahan hangtud siya nanganak.

Karon nakadawat na sab ko og demand letter gikan sa akong ex-girlfriend asking me to support our child.  Wa pa ko mo-reply sa iyang letter  kay gusto sad ko maniguro daan koun ako ba gyud nang anak before ko mosuporta. Unsa may angayan nako nga buhaton? Daghang salamat.

Johnny

* * *

Dear Johnny,

Basi sa balaod ang bata bisan kon kini illegitimate entitled kini og suporta gikan sa amahan. Sa ato pa, obligado ang amahan nga mosuporta sa bata bisan kun di sila kasal sa inahan provided nga gi- acknowledge sa papa ang bata. Sa imo nga kaso, wa pa nimo gi acknowledge ang bata kay gusto nimong maseguro kon imo ba gyud kining anak.

Ang maayo nimong  buhaton mao ang pagpa DNA test uban sa bata aron imong mahibaw-an kon ikaw ba gyud ang amahan niini, i think, mosugot sab niini ang inahan sa bata ilabi na kun sigurado siya nga ikaw gyud ang amahan sa iyang anak.

Kun makompirmar sa DNA nga ikaw ang papa then that’s the time nga imong i-acknowledge ang bata ug imo kining supprtahan.

Sultihi lang ang inahan sa bata nga dili pa ikaw mohatag og suporta sa bata pagkakaron kay gusto ka nga magpa DNA test mong duha sa bata aron pagtino kun ikaw ba gyud ang amahan niini. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

KARELASYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with