Maayong balita
AMBOT LANG - Gerry Auxilio (Banat) - July 18, 2019 - 12:00am

Gibuhi karon sa Senado pinaagi ni Senador Sonny Angara ang sugyot balaudnon nga maghatag og regular nga suweldo, dako ug daghang benepisyo alang sa mga opisyal sa barangay. Kini tungod sa pagkonsiderar ni Angara sa mga opisyal sa barangay nga maoy kanunay nga mag-una sa pagtubag sa mga panginahanglan ug suliran sa katawhan sa ilang barangay.

Basi sa Senate Bill Number 136 nga gipangamahan ni Angara, makadawat na og fix nga suweldo, allowances, insurance, medical ug dental coverage, retirement ug uban pang mga benepisyo ang mga opisyal sa barangay.

Ubos sa Balaudnon nga gisugyot ni Angara makadawat na og suweldo ang mga kapitan og sama sa suweldo nga madawat sa mga sakop sa Sangguniang Bayan (SB) o Sangguniang Panglungsod (SP) samtang ang mga barangay konsehal makadawat napod og suweldo nga katumbas sa 80 porsiento sa suweldo sa mga sakop sa SB ug SP diin ang ilang barangay nahimutang. Ang mga Sangguniang Kabataan (SK) chairman makadawat usab og katumbas sa 75 porsiento sa suweldo sa mga sakop sa SB ug SP.

Duha ka klase ang mga opisyal sa barangay, ang mga pinili sa katawhan sa barangay ug ang mga tinudlo. Ang mga pinili nga opisyal sa barangay mao ang mga kapitan ug konsehales samtang ang mga tinudlo nga opisyal mao ang mga sekretarya ug tresurera.

Way hisgot ang balaudnon sa benepisyo sa mga sekretarya ug tresurera nga mga opisyal usab sa barangay. Buot bang ipasabot niini nga wala silay labot?

Ang Pilipinas adunay 42,045 ka mga barangay busa kun imong sumadahon aduna pod kini 42,045 ka mga Kapitan ug 294,315 ka mga konsehal.

Kun unsa ang gidaghanon sa mga barangay sa tibuok nasud mao pod kini ang gidaghanon sa iyang mga SK chairman.

Karon ang suweldo sa mga opisyal ug personnel gikuha sa ilang Internal Revenue Allotment. Kun mahingpit nga balaud ang Senate Bill 136, asa man kuhaa ang suweldo sa mga opisyal sa barangay? Sa ila ba gihapong IRA?

BALITA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with