Lunop sulbaron
RENBOR PATROL - Rene U. Borromeo (Banat) - July 18, 2019 - 12:00am

Hingpit na gyud nga nakabalik sa pagka sakop sa Cebu City Council si Konsehal Joel Garganera ug nanumpa na siya kagahapon atubangan ni Mayor Edgardo Labella.

Nagpasabot nga mayoriya na gyud ang mga konsehal nga alyado ni Labella diha sa konseho sa dakbayan ug dili na siya maglisud pagpatuman sa gusto niyang nga proyekto nga makahatag og kaayohan sa katawhan.

Nalipay sab ko kay managsama kami og tinguha si Garganera nga mao ang pagsulbad sa lunop ug baha pinaagi sa pagpabalik sa karaang gidak-on sa atong kasapaan.

Ang tinuod, human unya sa akong serbisyo sa media, posible nga motabang ko kang Labella sa pagpatuman sa river restoration project sa siyudad.

Ako kining himoon nga wala na magkinahanglan nga mahimo ko nga empleyado sa siyudad kay ang pagserbisyo para sa publiko dili man kinahanglan nga kawani gyud ka sa siyudad.

Nakan-aw man gud ko nga dako kaayo ang problema sa lunop ug pagbaha, ilabi na sa downtown area. Sa among opisina lang sa The Freeman ug Banat News, bisan hinay ra gyud nga pag-uwan moawas na ang sapa.

Nasayod ko nganong naingon kini niini ug nasayod ko nga dunay mga opisyal sa dakbayan nga wala gyud maninguha nga ang problema kahatagan og tinuoray nga sulbad.

* * *

Angay nga kadtong mga kawani sa dakbayan nga na-hire og mga katungdanan kay gikilkilan og kuwarta sa mga abusadong opisyal sa City Hall, mogawas sila aron mahulgar ang mao nga mga tawo.

Gipasalig ni Labella nga dili niya taktakon ang mao mga empleyado ug dili usab kinahanglan nga mohatag pa sila og pamahayag. Ang ila ra nga himoon mao ang pakig-estorya sa mayor bahin sa ilang gidangatan.

Nakadungog ko nga may kawani kuno sa usa ka departamento nga dili siya makadawat sa sweldo niya sa unang buwan kay ang sweldo mahipunta sa nagtabang kaniya nga madawat siya sa trabaho.

Akong awhag sa maong mga kawani, mahimo kamo nga modangop nako kay ako maoy moasikaso niini aron mabulgar nato ngadto sa mayor ang binuang sa pipila ka abusadong kawani sa City Hall.

* * *

Karon diay’ng adlawa, saulogon sa The Freeman ang  ika-100 nga sumad sa iyang pagkamugna.

Congrats sa mga kawani sa The Freeman nga gipangulohan karon nila ni sir Archie Modequillo ug Lucky Malicay.

Dili bastabasta nga ang usa ka kompaniya makaabot sa usa ka century sa iyang panerbisyo.

Wala malilong ang industriya sa pamantalaan nakasinati og dili diay nga problema sa negosyo sa milabay’ng katuigan, apan ang The Freeman pabiling mibarug samtang ang uban nakapukan.

Congrats sab ni sir Jose Dodong Gullas, chairman sa Board; ni sir John Vic Gullas, vice chairman; ug ni Sir Miguel Belmonte nga maoy presidente ug chief executive officer sa among kompaniya!    

SULBARON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with