EDITORYAL - Diskwento sa pleti
(Banat) - July 17, 2019 - 12:00am

Nituman ba ang mga drayber sa mga jeep de pasaheroan niining 20 porsiyentong diskwento sa pletihan sa mga estudyante dinhi sa Sugbo?

Tungod kay kaniadto sa dihang P6.50 pa ang pletihan P7 gyud ang kuhaon sa mga drayber kay di mosukli ug basulon pa ang estudyante nganong di sakto ang gibayad.

Gawas pa niana, dunay mga malditong mga drayber ug konduktor nga hudlaton ang mga estudyanteng mangayo og diskwento panahon sa tingbakasyon. Murag buot nilang ipasabot nga kun tingbakasyon wala nay estudyanteng mosakay. Apan bisan pa man sa mga binuang sa mga drayber walay nagpasaka og reklamo batok kanila tungod kay dili gusto og hasol ang mga sumasakay, busa mao sab kini ang gisaligan sa mga abusadong drayber ug naanad na sa ilang modus operandi. Angay masayod ang katawhan ilabi na ang mga estudyante nga dunay Student Fare Discount Act o Republic Act (R.A.) 11314 nga nagmando nga tibuok tuig dunay 20 porsiyentong diskwento sa plete ang mga estudyante.

Napasar ug napirmahan kini ni Pres. Duterte niadto pang Abril 17, 2019 ug sinuwat kini ni Senador Sonny Angara. Apil sa kinahanglang mohatag og diskwento mao ang mga bus, barko, o bisan eroplano  UV Express vans, TNVS vehicles,  basta tanang matang sa public transport nga may permit sa gobiyerno nga mobiyahe aron mamasahero. Kinahanglan lamang nga makapresentar ang estudyante og balidong ID o kaha enrollment form. Gani dunay mga buotang mga drayber nga pagkakita nga nag-uniporme ang estudyante di na sila mangita og ID.

Ang estudyante dili limitado lang sa grades schools ug high schools kondili bisan ang mga naa sa kolehiyo.

Apan dili sakop sa maong diskwento kadtong mga estudyanteng nag-enroll sa mga extra-curricular classes sama sa mga arts workshops, dance workshops, driving schools, seminar courses, post-graduate education, short-term courses, primary medicine, law, doctorate degrees, ug masters’ degrees. Maayo kining diskwento tungod kay maka-savings ang mga estudyante ug magamit pa nila ubang kinahanglanong paliton para sa ilang pagtuon.

UV EXPRESS VANS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with