Sa dihang imong gisangpit
MGA LAMAS SA KINABUHI - Fr. Rey Cui (Banat) - July 16, 2019 - 12:00am

Panahon sa Kalisud wa ka ba panumbalinga sa Ginoo ni Jacob? Mao kini ang sagad among awiton sa dihang seminarista pa kami kaniadto sa panahon nga daw hamis pa ang panumdoman sa among kabatan-on. Kadtong panahona nga puno pa sa gitawag natong ideyalismo ang matag hunahuna. Kadasig nga mosangyaw sa mga pagtulon-ang Diosnon ug kaikag nga mamahimong kabahin sa programa ni Jesus.

Apan ang maong salmo nga gihatagan og kinabuhi sa lantip nga hunahuna ug katakus ni Monsenyor Rudy Villanueva nahimong tinuod sa mga higayon nga sama niini karon. Lisud ang pagtakdo sa ideyalismo ug reyalismo.

Kun unsa kakusog kaniadto ang tinguha nga mamahimong simple ug yano nahimong mas sakit palandungon nga gikubkob sa materyalismo ang lunsay nga kasingkasing sa matag sulugoon ug nakaako ang kadaghanan nga kun dili man gani talikdan ang agawon siya gamiton aron molambo ang panudlanan sa kinabuhing harianon.

Nakapasubo kini nga tilimad-on daw sa walay kalainan na ang tanan ning panahon karon. Nahimong usa ka deviant behavior ang tinguha nga mosunod sa mga tunob sa Gino okay daghan man tuod ang mipasiatab sa maong pagsunod ang ilang kinabuhi nahimong dakong balighot sa maong pagpangankon.

Sa dihang gipangutana ko ang dugokan sa nilatid sa balaod sa pangalagad sa iyang katakus wala siya’y laing gitubag gawas sa mga butang kalibutanon. Kalibog ug kahingawa ang mihari sa kaugalingon kay sama sa uban adunay pud kitay panginahanglan. Gipangutana ang Diosnong Diwa nga nitagik ning maong sugilanon sa Bokasyon.

Apan bugtong kahilom lamang ang iyang nahatag. Walay imik ug makabungog ingon man makaboang ang kahilom sa kalibutan. Daghang nakakita sa imong kahimtang apan nagpabiling daw way igong padulngan ang tanan. Matag usa nag iyahay og paningkamot aron mabuhi bahala na og dili makahuloganon ang mahinungdanon mabuhi ug mongisi bisan pa man kun kasingkasing masulob-on.

Dunay tingog nga nadungog ko gikan sa akong galamhan. Niingon siya nga sa wala pa ang akong paningkamot daan nang may iya iyang dalan ang matag pakigbisog. Wala kini magpasabot nga angayan nakong mosunod na lamang diha sa kahilom ug dili na magsaba.

Ug kun magsaba man ko alang sa asa pa man ang maong kasaba? Basin makadangilag kini og kaligutgot sa matag linalang nga niangkon nga sa Dios sila nakapahimuot? Mao nga mag selfie nalang uban ang caption: GOD IS GENEROUS inubanan sa lamiang mga pagkaon samtang nahimong photo bomber ang pobreng alaut nga nagpahipi sa luyong bahin sa harianong sirkulo sa mga harianong laray sa mga nagpaka Ginoo!

GINOO NI JACOB
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with