Lisod ba pagsul-ob og helmet?
JAV BANATI - Javier Yntig Tapulado (Banat) - July 12, 2019 - 12:00am

Sama sa usa ka himsog, bag-ong milipang nga kahoy, namungingi sa daghang programa ang siyudad sa Talisay ubos sa landong sa newly mayor-elect Gerald ‘Samsam V. Gullas Jr.

Mga balaod o ordinansa nga naumol gikan sa kasingkasing sa nagmahal nga mayor, diin ikatandi kini sa mga tam-is nga bunga sa iyang pagpaningkamot aron lang madimdim sa katawhan ang duga sa kaayohan.

Mahal ni Mayor Samsam ang kinabuhi sa tawo. Hinungdan, nga dihang iyang namatikdan nga ubay-ubay nang natala sa dugoong disgrasya sa mga nalimbuwad nga motorsiklo sa kadalanan, labi na diha sa South Road Property (SRP), diin nangabuak ang ulo sa drayber ug sa miangkas pasahero nga miresulta sa hinanaling kamatayon, kinsa sagad wala magsul-ob og helmet, istrikto niyang giimplementar sa iyang dakbayan ang ‘No helmet, No driving policy’ sugod sa miaging Martes, Hulyo 9.

Resulta? Aw, aduna dayoy nadakpan nga kapin kun kulang, 30 ka motorsiklo nga gi-impound gyud sa City of Talisay-Traffic Operations and Development Authority (CT-TODA). Kay gawas nga wala magsul-ob og helmet, duna say walay driver’s license ug rehistro sa sakyanan dihang gipangitaan sa mananakop.

Kini nagpakita lang unsa kagahig ulo ang maong mga motorista, diin tungod sa sobrang kagahi sa ilang alimpatakan, alang nila, di na kinahanglan nga magsul-ob silag helmet. Ug kuno, walay makabuot  kun unsay ilang buhaton?

 Mao ba kini ang ilang ibawos sa mapinanggaong pako nga gibukhad ni Mayor Samsam aron pagprotehir nilang mga piso batok sa daotang panghitabo nga dili lang hibaw-an mokalit lag tungha sa kadalanan ug mohasmag-dagit sa hinulaman nilang kinabuhi?

Sa tinuoray lang, isip himongaan sa siyudad sa Talisay, gusto sa mayor nga magakos ilawom sa iyang mga pako ang gipangga niyang mga piso.  Buwahan, mapanalipdan ang tanan sa higayon nga may uwak nga gustong modagit kanila. Apan naunsa ba, nga sila man hinuong gimahal ni Samsam ang miunay pagpasipala sa iyang mga balhibo hangtod nangalaglag  sa yuta ug silang piso wala na hinuoy kapasilongan.

Pangutana: ‘Maproteksiyonan pa kaha ni Mayor Samsam ang kinabuhi ning maong mga motorista gumikan sa ilang pagkasinupakon? Lisod ba ang pagsul-ob og helmet?’’

Motorcyle drivers, please think, before it’s too late.

HELMET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with