Sinsero nga pagsulbad
RENBOR PATROL - Rene U. Borromeo (Banat) - July 9, 2019 - 12:00am

Ang balaod naglatid nga ang Executive Department sa mga Local Government Units (LGU’s) kinahanglang moduso ngadto sa City ug Municipal Councils,ug sa Provincial Board sa ilang budget para sa sunod tuig. Kinahanglang dili molapas sa Oktubre 16.

Sa Dakbayan sa Sugbo, angay gyud nga pagahinan ni Mayor Edgardo Labella og bisan P1 Billion ang pagsulbad sa dugay na kaayong problema sa paglunop dinhi sa downtown area panahon nga mag-uwan. Ang pagbaha wala gyud ni masulbad sa mga administrasyon ni kanhi mayor Alvin Garcia, Tomas Osme?a, Michael Rama, unya nibalik na lang sab si Osme?a, wala gihapon.

Ang kagamhanan sa siyudad nigasto og minilyon ka pesos aron kunohay palawman ang atong sama, ilabi na kanang gitawag og Parian Creek nga anaa mag-agi sa kilid sa building namo sa The Freeman ug Banat News.

Unsaon pagkasulbad nga wala man ayoha ang trabaho ug mora man og ang dredging operation gipakita lang ngadto sa mga tawo nga gipalawman ang sapa, apan ang ilang gipalawman mao ra ang daplin sa taytayan nga makita sila sa mga tawo.

Isugyot nako ni Mayor Labella nga kun dunay dredging operation, magtudlo siya og iyang kasaligan aron nga mabadlong kun adunay mga binuang nga himoon. Unsaon pagsulbad sa baha nga didto sa sudlonon nga bahin sa sapa wala man palapdi?

Walay angay kabalak-an si Mayor Labella kay ang siyudad adunay daghang kuwarta nga kapin sa P16.8 Billion gikan sa halin sa 45 ektaryang kayutaan sa SRP nga gibaligya atol sa termino kaniadto ni Rama.

Unya nalipay sab ko kay gipahibalo ni Mayor Labella nga mangayo siya gikan sa Management Information and Computer Services (MICS) og mapa, ingon man hulagway sa mga sapa dinhi sa dakbayan.

Kinahanglang magbaton gyud og political will si Mayor Labella nga ihiklin ang mga namuyo sa daplin sa sapa nga kaniadto, lapad pa kaayo, kay sila maoy nakatampo sa grabeng problema sa lunop dinhi sa downtown area.

Nahibaw-an nako nga gikan sa Pier Tres, ang mga sakayan nga de-katig makasulod diha sa Parian Creek, paingon diha sa sapa sa dalan Colon. Karon, makasulod pa ba ang sakayan nga de-katig?

Diha sa dalan Mabini, kanang karsada nga gikan sa tumoy sa Colon Street paingon sa Cathedral. Naay tulay diha pero makita nimo kon hain sa kilid sa sapa ang giabusohan.

Mao usab ang sapa diha sa Sikatuna Street. Sa wala pa makaabot sa eskina Bonifacio Street, anaay tulay nga may karaang marka nga 1920.

Klaro kaayo nga kanang building nga gigamit sa negosyo sa tigbaligya’g mga puthaw, nipalapad paingon sa sapa, ug resulta, gamay na ang sapa ug moswugwak na ang tubig mao nga maglunop na diha sa Parian kun mag-uwan.

LOCAL GOVERNMENT UNITS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with