EDITORYAL - Patas kaha ang China?
(Banat) - July 9, 2019 - 12:00am

Nigawas na ang resulta sa imbestigasyon sa Philippine Coastguard ug Maritime Industry Authority kabahin sa Recto Bank diin gibanggaan o nabanggaan ang fishing boat sa Pilipinas nga gisakyan og 22 ka tripulante ug pagkahuman gibiyaan diha sa lawod sa mga Chinese nga mananagat.

Giingong aksidenteng nadasmagan asa Chinese fishing boat ang panagatan sa Pilipinas kay nag-angkorahe sila didto nga wala magbutang og suga ug wala say nagbantay aron unta maalerto ang tanang tripulanteng nangatulog o bisan na ang nagpadung kanila nga panagatan sa China.

Nahibaw-an nga Chinese nga panagatan ang nakadasmag tungod kay mihunong kini ug niiwag og suga ngadto sa mga Pilipinong nanglangoy na sa dagat, apan inay tabangan nibiya dayon kini sa dapit.

Matud pa nga agdon pa sa Malacañang kun unsa sab ang resulta sa imbestigasyon nga gihimo sa China ngadto sa ilang mananagat nga nakadasmag.

Tinuod sad-an sab ang mga Pilipino kay gibutang nila sa ilang kaugalingon sa risgo, apan dili ikalimod nga may nalapas nga mga Maritime Laws ang mga Chinese dihang ilahang gibiyaan ang mga Pilipino nga naglutaw-lutaw nalang sa dagat.

Ang imbestigasyon ug report sa PCG-Marina nakabase sa Code of the International Standards and Recommended Practices for Safety Investigation into a Marine Casulaty or Marine Incident.

Kun mao sab kini ang gibasehan sa China isip sakop sa United Nations ug kun giisip niini nga usa sila ka responsableng nasud, mao usab kini ang mogawas sa ilang imbestigasyon. Bisan moinsister ang Chinese crew sa ilang nahaunang bersyon nga aksidente lang nilang nadasmagan ang mga Pilipino kay niikyas sila kay gitabangan sila og bangga sa laing pito ngadto sa walo ka panagatan may testigo nga makahimakak niini.

Kun patas lang ang imbestigasyon sa China, mahimo nilang ipatawag ang crew sa Vietnamese fishing boat nga niluwas sa mga Pilipino unom ka oras human sa hitabo. Nagpasabot nga way laing Pilipinong panagatan sa lugar atol sa hitabo.

RECTO BANK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with