Hard Loser

May sugarol nga kon mapilde, manggisi og baraha. Mangasaba pa gyo’g bangkero!

Nalimot siya nga tungod sa baraha, nalingaw siya, gibatig dili matukib nga kakulba ug kahinam samtang nagpintasa unsang numeroha sa baraha ang iyang nakuha, diin tapos makompleto ang paghiniritay, mahibaw-an kon kinsay midaog: siyaba, o angkontra?

Samtang may sugarol nga mohawok sa gigunitan niyang baraha, anaa poy mokumot ug mokuniskunis sa gikuptang baraha sa higayong mapilde.

Pagkaluoy sa baraha nga maoy napahimungtan!

Ang maonmg matang sa maong sugarol gitawag og hard loser.

Kay kon mapilde,  masuko!

Unta, angay itanom sa kaisipan, nga tungod sa baraha, gihataga’g unending thrill and excitement ang mga sugarol.

Gani, dihang dunay nangutana sa bigtime player kon asay mas lami: babayeba, o baraha?

Matod sa bigtayim: “Ay, layo ra ang babaye komparar sa baraha.

Ang babaye, bisag unsa ka guwapa o kanindot, inig abotsa climax, game is over. Perog baraha?

Sa pagpinta pa lang, magsumbagay na ang kakulba’g kahinam sulod sa dughan. Ug ingon sa wala nay pagkatapos.

Kini nagmatuod lang, nga ang baraha maoy naghatag og kinabuhi sa sugalan.

Apan subo palandungon, nga sayonsayonon lang paggisi sa usa ka hard loser, kinsa maglisod pagdawat og kapildehan.

Sa politika, may hard loser pod nga politiko. Dihang napilde si kanhi Mayor Tommy Osmeña sa eleksiyon, iyang gipangguba ang katahom sa opisina nga siya ra mismo ang migasto sa pagpaguwapa niini panahon sa iyang termino.

Nangumbitay intawon ang mga tinai sa kisame ug sa mga bungbong human panangtanga ang mga mahalong hiyas nga naglibot sulod sa lawak nga daw giagian og tsunami.

Ultimong mga dumadapig ni kanhi Osmeña, kinsa misaludo tungod sa daghan niyang nahumang proyekto nga nakahatag og kaayohan sa mga lumolupyo, nakurat sa iyang gibuhat.

Wala sila magtuo nga pasipad-an ni Osmeña ang City Hall, diin ang tinuorayng tag-iya mao ang katawhan.

Busa, hasta sila, gisakitan ug naulaw usab sa gipakitang taras sa pildero.

Ikiha sa DILG si Tommy tungod sa iyang pagpaguba sa mayor’s office. Apan wala siya mahadlok.

Kay daan na niya kining gipangandaman, oras nga moabot kining panahona.

Dinhi, makita ang katag kon kinsay modaog: Siyaba, o DILG?