Gipangayu-an og suporta sa bata
Dear Atty. Divine:
Nakadawat ko og demand letter gikan sa akong ex-girlfriend asking me to support our child. Nagbuwag mi last year ug wa man siya mosulti nako nga buntis siya pagbuwag namo.
Wa ko mo-reply sa iyang letter kay gusto nako nga klaruhon daan kun ako ba gyud ang amahan sa bata before ko mosuporta. Unsa may angayan nako nga buhaton? Daghang salamat.
Roger
* * *
Dear Roger,
Basi sa balaod ang bata bisan kon kini illegitimate entitled kini og suporta gikan sa amahan. Sa ato pa, obligado ang amahan nga mosuporta sa anak kun gi acknowledge sa papa ang bata.
Sa imo nga kaso, wa pa nimo gi acknowledge ang bata kay gusto nimong maseguro kun imo ba gyud ning anak. Ang maayo nimong buhaton mao ang pagpa DNA uban sa bata aron imong mahibaw-an kun ikaw ba gyud ang amahan niini, kon makompirmar sa DNA nga ikaw ang papa then that’s the time nga imong i-acknowledge ang bata ug imo kining suportahan.
Sultihi lang ang inahan sa bata nga sa dili pa ikaw mohatag og suporta sa bata gusto ka nga magpa DNA mong duha sa bata aron pagtino kun ikaw ba gyud ang amahan niini. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest