Sa dihang nahimong paspas ang teknolohiya
MGA LAMAS SA KINABUHI - Fr. Rey Cui (Banat) - July 3, 2019 - 12:00am

Daghan nato ang buot nga mamahimong paspas ang tanan mao nga nalipay kita dako uyamot sa dihang niabot na ang teknolohiya labina kun maghisgot kita og komunikasyon.

Apan kuyog ning maong kapaspas ang dakong kamatuoran nga usahay kitang mga tawo ang mas nihatag pa og igong bili sa virtual world kaysa actual world.

Mao nga tuod naa kita physically apan dili diay kita present emotionally ug psychologically. Mao nga daghan nato ang nahimong mga tawong walay pakialam kun unsay gidangatan sa usag-usa kanato bisan pa man kun duol kaayo sila alang nato kay lagi mas gipalabi pa nato ang tua sa layo nga atong ika chat o ika skype.

Lahi kaniadto nga tuod tagdugay maabot ang mga suwat gikan sa layong dapit apan padayong anaa ang sense of excitement  sa matag usa. Kini tungod kay ang matag usa dunay pagpakabana sa presensiya sa usag usa.

Dili ko supak ning maong kabag-ohan apan sa akong kaugalingon akong nakita ang bili gihapon sa tawo nga akong ikakuyog kaysa akong ika chat lamang. Ning maong kapasikaran, ako nangindahay sa gihapon sa bili sa relasyon nga aktwal kaysa relasyong birtwal.

Dili mahulipan kining maong kahimtang. Kini tungod kay ang matag usa kanato dili man gyud mabuhi kun wala ang uban.

Sa laing bahin gipatawag ko ni Monsenyor Rommel Kintanar adto sa Basilica Minore alang sa usa ka tigom. Ila naman diay nga gihimong pormal ang Opisina sa Exorcism dinhi sa ato ug gihatagan ko og kahigayonan ning maong delikadong buhatan.

Tawo ra baya ko ug dunay kahuyangan apan giisip ko kining maong kahigayonan ingon nga seryosong tahas. Hinuon dili man ko magsalig sa akong kaugalingong katakus kay kinsa ra ba gud ko?

Matag usa nato dunay giagian ug ang maong giagian usahay maoy nakapahimo natong samaran. Sa akong pagpadayon akong nakita ang kaalam luyo sa kahinay diha sa pakigkukabildo sa Ginoo kay kun magpunay kita og dali dili nato mausap ug dili mahilis ang pagkaon nga naghatag kanato og kabaskog.

Relax-relax usahay ang kinabuhi apan wala kini magpasabot og tinapolang pagpahulay.

Nihilom kita apan wala kini magpasabot og kaluya. Nihilom kita aron magtigom og kusog diha sa atong pakigrelasyon sa Dios nga maoy tinubdan sa tanang grasya.

Ang teknolohiya sa komunikasyon gamiton unta nato aron mapalig-on pa ang atong relasyon sa usag usa. Hinaut pa unta.

TEKNOLOHIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with