EDITORYAL - Sakyanan sa mga barangay
Ian B. Melecio (Banat) - June 28, 2019 - 12:00am

Ang transportasyon mahinungdanon kaayo ilabi na sa mga barangay nga menus kaayo og kita gikan sa buhis apan pareho og panginahanglan sa mga adunahang mga barangay.

Sa Cebu City, adunay 80 ka mga barangay nga nagkinahanglan niining maong mga sakyanan, giingon nga gitugotan sa konseho si outgoing mayor Tomas Osmeña nga makapirma og deed of donation aron ipanghatag ang mga sakyanan sa siyudad ngadto sa kabarangayan.

Dili ba kining maong mga sakyanan kadtong mga na-isyu na kaniadto sa mga barangay apan gipang-recall sa acting mayor nga si Konsehal Margot Osmeña ?

Nakontrobersiya kadto tungod kay adtong panahona, mayoriya sa mga barangay kapitan mga kaalyado sa Team Rama nga karon gitawag na og Barug-PDP Laban.

Karon ibalik na ang mga sakyanan nga ang mayoriya na sa mga kapitan mga kaalyado sa naparot nga si Osmeña.

Apan ang maintenance ug krudo sa mga sakyanan giingong gasto na sa barangay. Unsaon nalang kaha sa mga gagmay og kita nga mga barangay sama sa mga naa sa bukid?

Nakita raba sab nga dunay daghang mga barangay nga bisan dagko og kita dili gyud mogahin og pundo para sa pagpaayo ug pagpalit og krudo sa ilang mga sakyanan.

Dili ba gipaabangan man sa mga taga barangay ang ilang mga sakyanan sama sa minibuses ngadto sa mga konstituwente ug dili pribadong mga tawo  nga gustong moabang. Hain naman diay ang kita niini, nganong adto pa man gihapon sa General Services dad-on ang maong mga sakyanan magpaayo?

Si mayor-elect Bise Mayor Edgardo Labella makabuot pagpili kun asa nga barangay ang pahatagan og financial subsidy para sa maong mga sakyanan.

Maayo unta og dili niya igsapayan kun kang kinsa nga partido nasakop ang mga kapitan kondili lantawon unta niya ang panginahanglan sa maong mga barangay sa maong mga sakyanan.

BARANGAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with