Balaudnon alang sa mga senior citizen
SENIOR CITIZEN - Antolin dela Serna (Banat) - June 21, 2019 - 12:00am

Sa Hulyo 1, molingkod na sa ilang mga katungdanan ang mga bag-ong napili ug nasublian nga mga suloguon sa lungsod, uban sa atong mga paningkamot nga dili nila hikalimtan (sama sa nangaging katuigan) ang mainiton nilang saad ug pasalig panahon sa ilang pagpangampanya.

Sayud man ta nga sagad mahitabo, tapus sa eleksyon, almost awtomatik makalimot dayon sila sa ilang mga saad ug panumpa nga ilang buhaton inig-assume na nila sa mga katungdanang publiko nga ilang gilansaran. Ang uban kanila, dili na motubag sa atong mga text messages ug mga tawag sa cellphones.

Whatever, maoy atong panghinaut nga magmatinud-anon na gayud unta sila sa ilang pagpangatungdanan, nga sa tanang higayon, una sa lahat: tao, ug unya na ang mga personal nilang mga intereses.

Ato kining usbon paghisgot dinhi, kining mga balaudnon nga makatubag sa tinguha sa mga senior citizen nga makalingkod sila diha sa mga legislative councils sa lalawigan, dakbayan, sa mga lungsod ug sa mga barangay.

Hinumdoman nga si Rep. ug governor-elect Arthur Yap sa Bohol mipasaka og balaudnon (ambut unsa tong tuiga) giulohan og Sangguniang Senior Citizens Act nga mag-amendar sa Local Government Code ug mag-create sa Sangguniang Senior Citizens, sama sa SK.

Nga kon mahimo na kining balaud, ang mga senior citizen aduna na unyay representasyon sa mga legislative bodies sa mga lalawigan, dakbayan, kalungsoran ug sa mga barangay. 

Unsa man, dili ba mo-qualify ang mga senior citizen nga molingkod diha sa  atong mga legislative councils? Don’t tell me. 

Matud ni Yap, ang kasaysayan  naghulagway nga ang barangay system sa panggobyerno  sa atong nasud, gibasi sa Council of Elders sa karaang pangagamhanan sa Roma, nga maoy nagtudlo ug nag-giya sa mga batan-on pagpadagan sa  kalihokan sa katilingbanug nga karon nahimo nang mga lungsod, dakbayan ug mga lalawigan sa atong nasud. 

Yap pa “This historical perspective is not unique to the Philippines. The Roman government, upon which most modern republican governments were molded, started with the creation of Roman Senate (ato ning makita sa mga salida sa sine – ams) coined from the term ‘SENATUS,’ meaning Council of Elders.”

So, ang kanhi gamhanan nga Roman Empire, gipadagan sa Council of Elders, nga karon maoy gibasihan ug gihimong modelo sa nagkalainlaing republican governments sa nagkalainlaing nasud sa kalibutan. Hunahuna ni Yap, atong ibalik ang maong kadungganan ug recognition sa kaalam ug kasinatian sa mga senior citizens pinaagi sa ilang pag-miembro sa mga local government legislative bodies.

Hinumdoman usab nga si Senador Loren Lagarda, usa sa mga main authors sa RA 9994, mipasaka og susamang balaudnon sa Senado, ang Senate Bill 1418, nga ang mga senior citizens kahatagan or representasyon diha sa sangunian sa mga LGUs. 

Nagkanayon si Legarda: “Our senior citizens deserve to enjoy a full and happy life. It is not enough that we make laws and policies for the elderly.

What we must do is to allow them active participation in nation-building, particularly in policy-making and local legislation so that, they themselves can push for the institutionalization of programs that would address their special needs and concerns.”

Correct ka dyan, Madame Senator.

SENIOR CITIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with