Salamat Mactan
MGA LAMAS SA KINABUHI - Fr. Rey Cui (Banat) - June 18, 2019 - 12:00am

Dili pa lang dugay gihimo namo ang among Mission Appeal sa Parokya sa Balaang Bata sa Isla sa Mactan. Salamat kaayo nilang Padre Mads, Geoffrey, ug Jhondy ning maong kahigayonan. Salamat usab sa tanang taga Mactan nga nitabang namo sa hilabihan. At least, nabayran na gyud ang naglaundok nga mga utang.

Sa akong pagsuroy suroy sa hawanang sagrado sa maong dapit akong nakita ang mga batan-on nga busy kaayo sa ilang lakaw lakaw ug sulod gawas sa sakristiya. Kadaghanan nila mga salmista, lector, may mga akolitos usab. Busy sila sa ilang serbisyo matag Domingo.

Nakita ko sa ilang mga mata ang bidlisiw sa paglaum ning parokyaha. Salamat gyud sa mga MSC Fathers nga miumol kanila. Mao nga dili na kaayo lisud alang sa mga dyosesano sa paggiya kanila.

Ang ilang pagkamanggihatagon maoy nagdapit kanako sa pagkahimong panggihatagon usab. Nindot ang manghatag dili lang sa mga butang material kondili sa panahon ug kaugalingon usab. Daghan kaayo ko og na kat-onan sa akong pagduaw sa Mactan:

Una, akong nakita nga diha sa pagpangalagad uban ang kalipay anaa ang tinuod nga panaghigalaay. Sa kadali sa higayon dunay mga tawo nga nahimo nakong kaila ug unta mamahimong higala sa umaabot.

Ikaduha, diha sa paghatag anaa ang bag-ong kinabuhi sa pagtugyan sa kaugalingon. Ang Dios maoy gigikanan ug angayan lamang nga siya ang atong padulngan.

Diha sa pagkamanggihatagon ayaw na paabota ang balos. Ning maong matang sa panghunahuna mamahimong mas halapad ang imong kalipay kun ang ubang mga tawo mangalipay usab. Makatakud ang panghatag ingon nga sukaranan sa tawhanong kalambigitan. Mamahimong Fulfilling ang imong kinabuhi kun may mahatag ka sa uban.

Ang paghatag maoy sukaranan sa dakong pagpasalamat gumikan sa mga grasya nga kanato gibubo sa kahitas-an.

Mao nga wala koy laing malitok gawas sa mga pulong sa pasalamat sa tanang taga Mactan. Salamat kaayo tawon kaninyo. Nabayran na sa hinayhinay nga paagi ang among mga utang. Busa salamat kaayo! All for the Greater Glory of God! Nakita ko sa maong parokya ang makabuhing panaw sa pagtuo kay ang mga tawo aktibong mihalad sa ilang kaugalingon ngadto sa Ginoo ug sa ilang isigkatawo.

MISSION APPEAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with