Kanselasyon batok diskwalipikasyon
AMBOT LANG - Gerry Auxilio (Banat) - June 18, 2019 - 12:00am

Sa balaud sa piniliay lahi ang epekto sa kanselasyon sa sertipiko de kandidatora ug diskwalipikasyon sa kandidato. Mao ni ang ato makita sa kaso nila ni konsehal Alvin Arcilla ug Sisinio Andales nga nag-atubang og kasong kanselasyon sa ilang sertipiko de kandidatora sa bag-o lang nahuman nga piniliay o eleksiyon.

Siguro makapangutana mo unsay pulos sa pagpahibawo ni konsehal Jerry Guardo nga iya nang gisuportahan ang administrasyon ni Mayor-elect Edgardo Labella nga kutob naman lang siya sa Hunyo 30 tungod kay napildi siya sa miaging eleksiyon.

Dako og pulos ang suporta ni Guardo sa bag-ong administrasyon tungod kay seguro na siyang makonsehal gihapon sa Dakbayan sa Sugbo.

Si Guardo nahimutang sa ika siyam nga dapit sa miaging eleksiyon samtang anaa sa ika napulo si konsehal Joel Garganera. Giapil nako si Garganera tungod kay posible pud nga makalingkod gihapon siyang konsehal.

Migawas na sa pamantalaan nga gikansilar na sa Comelec en banc ang sertipiko de kandidatora ni konsehal-elect Alvin Arcilla. Tungod niini seguro nang makasulod pagbalik sa konseho si Jerry Guardo. Mao ni ang kalainan sa kanselasyon sa sertipiko de kandidatora ug diskwalipikasyon.

Sa kanselasyon gikonsiderar sa balaud nga dili kandidato ang kandidato kansang sertipiko de kandidatora gikanselar busa ang kandidato nga nahimutang sa ubos mosaka.

Kay nakanselar ang kandidatora ni Arcilla, si Guardo nga nahimutang sa ika siyam nga dapit mosaka sa ika walo. Kay walo man ang kuhaon nga konsehal sa matag distrito sa dakbayan makonsehal gihapon si Jerry Guardo.

Kun diskwalipikasyon pa ang gipasaka batok kang Arcilla, makonsehal lang si Guardo kun tudloon siya sa partido ni Arcilla nga maoy ipuli kaniya.

Susamang sitwasyon ang mahitabo ni konsehal Andales nga maghatag pud og kahigayonan ni Garganera nga makabalik sa konseho. Tungod niini iya na sa bag-ong administrasyon ang konseho sa dakbayan sa Sugbo ug dili na maglabad ang ulo ni Labella ug Rama.

SERTIPIKO DE KANDIDATORA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with