EDITORYAL - Ang US diay angay molihok?
(Banat) - June 18, 2019 - 12:00am

May punto si Foreign Affairs Secretary Teodoro Locsin Jr. pagkwestyon nganong giapil man sa Amerika sa ilang panawagan ang Pilipinas nga likayan ang pagpanghulga ug paghagit bahin aning panag-ilogay sa teritoryo diha sa West Philippine Sea o South China Sea may kalabotan sa pagbangga sa Chinese fishing boat sa fishing boat sa mga Pilipino didto sa Recto Bank sa miaging semana.

Matud niya, dihang giilog sa China ang Scarborough (Panatag) Shoal nga gitawag sab og Bajo de Masinloc murag dunay pagtugot sa U.S. kay wala man nila aboga pagawas ang mga Chinese.

Misanong ang Pilipinas sa panawagan sa US nga mokalma ug gipapauli niini ang mga barko gikan sa Scarborough, apan ang China nibiya makadiyot apan nibalik ug nagdala na og daghang barko.

Karon naglisod na ang Pilipinas pagpahimulos sa lugar. Dunay mga report nga ang mga mananagat sa Pilipinas dili na makapaduol didto kay abugon sa mga Chinese.

Sa ato pa buot bang ipasabot ni Locsin, angay unta nga ang US maoy moabog sa China? Atoa man kaha ning tugkaran?

Samtang tuod may punto ang mga pamahayag ni Locsin, apan dili ba kaha ang gihimo hinuon sa US nagpasidaan batok sa China?

Ang mensahe nga, kun inyong gamitan og pwersa ang Pilipinas molaban mi nila?

Nahibawo man tingali si Locsin nga nasayod ang US nga way ikapanghudlat ang Pilipinas batok sa China. Husto ba diay nga imong sawayon ang molaban kanimo?

Ang US Embassy dinhi sa Pilipinas bag-ohay lang mipahibalo nga andam silang modepensa sa Pilipinas base sa unod sa Mutual Defense Treaty.

Ilang gikonsiderar nga bisan pa og barkong sibilyan ang giatake, mahimo gihapon nilang gamiton ang MDT batok sa nangatakeng nasud.

Samtang nagsige og pagarpar si Locsin ug naglibog ang ubang mga opisyales sa gobiyerno nga daw naamang ang Malacañang bahin sa isyu, unsa may gibuhat ni Duterte bahin niini?

TEODORO LOCSIN JR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with