Nahinaykan nga pagtak-om
ARANGKADA - Leo Lastimosa (Banat) - June 17, 2019 - 12:00am

Hangtod sa akong pagsuwat ini, upat ka adlaw na human siya pahibaw-a ni Defense Secretary Delfin Lorenzana sa pagbangga sa barko sa China sa Pilipinhon nga barkong panagatan sa Recto Bank, wa pa gihapon motingog si Presidente Rodrigo Duterte. Igo lang nipasabot ang iyang mga tigpamaba nga padayon pa niyang gitun-an ang kontrobersiya.

Gipagawas na sa Western Command sa Armadong Kusog ang sangpotanan sa ilang imbestigasyon nga gituyo pagbangga sa taga China ang F/B Gem-Vir 1 samtang nangatug ang mga tripulante niadtong tungang gabii sa Dominggo, Hunyo 9, apan padayon pang gitun-an sa presidente ang panghitabo.

* * *

Giila na sa China ang ilang fishing boat, Yuemaobinyu 42212, nga mao ang nakabangga. Apan nagpabilin nga hilom ang presidente.

Nimatuod na ang mga tripulante ngadto sa kadagkoan sa Philippine Navy nga gibiyaan sila sa barko sa China ug gipasagdan nga nalunod. Apan nagpabilin nga tak-om ang presidente.

Unsa pa man ang gitun-an sa presidente? Nagduda pa ba siya nga namakak ang 22 ka mangingisda ug ang mga imbestigador sa iyang Armadong Kusog?

Padayon pa ba nga gikumbinser ang iyang kaugalingon nga aksidente ang pagkabangga ug nga nisuway pagluwas ang taga China sa nalunod nga mga tripulante?

* * *

Pagpasalig ba kaha nga wa siya mangiyugpos sa katalagman, gipahibawo sa mga sakop sa iyang gabinete nga nagpatawag siya og dinalian nga tigom sa Malakanyang sa alas-3 gahapon sa hapon aron pagtuki sa panghitabo.

* * *

Apan kalit niya nga gikanselar ang tigom. Way katin-awan ngano. Sama nga way katin-awan sa misteryuso niya nga pagluom sa pagpadayag og bisan unsang pagsaway o kasuko, o bisan igham na lang, sa labing uwahing nahiagoman sa iyang katawhan nga pagpanghasi sa nasud nga iyang gipamugos nga suod natong higala.

* * *

Gipahibawo sa Malakanyang nga makigsulti siya sa kapitan sa F/B Gem Vir 1, Junel Insigne, ug sa kusinero, Richard Blaza, nga mao ray nagmata ug busa nakakita sa aktuwal nga bangga.

Hinaot nga di niya apikihon si Insigne may lisensiya ba sa paglawig ug nga di niya sukitsukiton si Blaza may mga paryente bang namaligya og shabu.

Hinaot nga paminawon ang ilang sugilanon ug di tulisukon nga nagpagamit sa oposisyon aron pagpalagpot niya sa gahom.

* * *

leolastimosa@gmail.com

NAHINAYKAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with