Deus Providet
MGA LAMAS SA KINABUHI - Fr. Rey Cui (Banat) - June 17, 2019 - 12:00am

Daghan ang nibati sa tumang kabalaka sa dihang gidawat na nila ang mga sobre kang kansang sulod mao na ang ilang assignment. Hasta ko nibati og tumang kakulba.

Apan nakahinumdom ko sa kanunay nga tinuod ang panultihon sa latin: DEUS PROVIDET kun GOD will PROVIDE. Nagpasabot kini nga gihatag sa Dios ang iyang walay puas nga pag-atiman alang sa matag usa kanato. Iyang ihatag ang atong panginahanglan ug dili lang ang atong kapritso. Iyang gitan-aw ang atong kahimtang ug dili lang ang atong bayhon. Mao nga ang mahinungdanon atong huptan ang pagsalig nga mahitabo ang milagro sa atong kinabuhi.

Kay unsa ba ang milagro sa kinabuhi? Ang milagro sa kinabuhi nagpasabot man nga dunay kausaban sa imong pagkatawo human nimo masinati ang mga pagsulay nga mibanlas kanimo sa kawalay kapaingnan.

Daw sa mahurot man tuod ang imong mga buhok sa pagpangutkot tungod kay hunahuna nimo gubot apan inig lurang ning tanan anaa ang Dios nagpakita sa iyang dakong tabang alang kanimo.

Kining maong panultihon naghatag kanato ning mosunod nga mga implikasyon

1.  Una, angayan natong angkonon nga kita kabus ug tungod niini dili maayo nga kita manghambog sa atong kaugalingong katakus lamang.

2. Ikaduha diha sa pag-angkon sa atong kakabus kita nakahupot og pagtuo nga diha sa atong kakulangan ang Dios mopuno.

3. Ang bisan unsa nga mapuno nato angayan lamang nga atong ipaambit imbis atong tagoan ug tipigan.

4. Diha sa pagtipig nga walay hatag hatag mamahimong baho ang atong kaugalingong gininhawa kay nagdumili man kita pagpasulod sa bag-ong grasya aron tagoan ang mga nahauna.

5. Ang paghatag uban ang gugma maghatag gyud og dakong kalipay ni bisan kinsa nga makadawat sa imong panalangin .

Deus Providet! Mao nga sa panahon sa dakong panginahanglan hatag lang sa gihapon kay ang Dios padayong mohatag kutob sa atong mahakgom. Ang kinabuhi sa mga santos nagtudlo nato sa dakong bili sa birtud sa pagkamanggihatagon.

May niingon nako kun ako bang dad-on ang uban kong kabtangan. Ako siyang giingnan wala na kinahanglana kay gawas nga magbug-at bug-at lang sila sa akong lakaw mamahimo pang mohuot sila sa sunod nakong puy-anan. God will provide. Mao nga there is nothing to hide!

DEUS PROVIDET
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with