Way kinutobang pagka-angol
ARANGKADA - Leo Lastimosa (Banat) - June 16, 2019 - 12:00am

Samtang giandam sa Toronto Raptors ang parada pagsaulog sa una nilang kampeyonato sa NBA (alas-10 sa gabii karong Lunes, oras sa Pilipinas), nagpabilin ang pangangkon nga namantsahan ang daog tungod sa injuries sa mga sinaligan sa Golden State Warriors.

Gilista sa mga dumadapig sa Warriors ang gagmay ug dagkong injuries sa ilang mga idolo: Stephen Curry, ankle sprain; DeMarcus Cousins, torn left quad; Curry, dislocated finger; Kevin Durant, right calf strain; Andre Iguodala, mild hamstring injury; Kevon Looney, fractured collarbone; Klay Thompson, hamstring strain; Durant, torn Achilles; ug Thompson, torn ACL.

* * *

Wa hinuoy mopalit sa pasangil nga taphaw ang kadaogan nilang Kawhi Leonard ug kaubanan karong tuiga. Sama nga inanay na nga nakalimtan ang kaniadto sibaw nga mga pangangkon nga nipahiyos sa:

• Duha ka kampeyonato sa Houston Rockets nga gipangulohan ni Hakeem Olajuwon ug Robert Horry niadtong 1994 ug 1995 kay temporaryo nga ni-retiro si Michael Jordan aron pagduwa og baseball; ug

• Korona sa San Antonio Spurs nilang Tim Duncan ug Tony Parker niadtong 2007 dihang linghod pa si LeBron James nga gilibotan sa pulos wa mailhi nga kaubanan.

* * *

Bisan ang duha sa upat ka kampeyonato sa Warriors nasakmit samtang piang ang ilang mga kaatbang:

• Pulos baldado silang Kyrie Irving (fractured left kneecap) ug Kevin Love (separated shoulder) sa Cleveland Cavaliers sa kampeyonato sa Warriors niadtong 2015; ug

• Gipilde nilang Houston Rockets sa Western Conference Finals human sa injury ni Chris Paul ug gisilhig nilang Cavaliers uban ang bone contusion sa tuong kamot ni LeBron nga gilayasan na ni Irving sa niaging tuig.

* * *

Mas katuohan ang katin-awan ni Warriors Coach Steve Kerr nga nag-abot ang ilang injuries tungod sa kapin sa 500 ka duwa sa lima ka sunudsunod nilang finals. Nakaduwa sukad sa labing unang kampeyonato sa 2015: Curry, Thompson, Draymond Green, Iguodala, Looney ug Shaun Livingston. Ikatulo ning sunudsunod nga finals ni Durant, ika-upat sukad niadtong 2012 uban sa iyang karaang team, Oklahoma City Thunder.

Way reklamo si Kawhi apan iyang kaubanan niangkon nga di siya hingpit nga himsog. Human naayo sa right quadriceps tendinopathy nga nakapa-inutil niya og usa ka tuig, nahasol sa iyang tuhod ug tuway-tuway sukad sa sayong bahin sa playoffs. leolastimosa@gmail.com

PAGKA-ANGOL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with