Kalambigitan sa tawhanong kahimtang
ANG DIOS MIINGON - Fr. Rey Cui (Banat) - June 16, 2019 - 12:00am

Hunyo 9, 2019: Domingo sa Santisima Trinidad

Mga Pagbasa: Pan. 8;22-31/

Sal. 8/Rom. 5;1-5/Jn. 16;12-15

Nindot kaayo ang paghulagway nila sa Kristiyanidad. Matud pa dili lang kini relihiyon kondili usab relasyon.Mao nga gilatid ug gitagik nga matag buluhaton kinahanglang makapalig-on sa relasyon. Karong adlawa atong gisaulog ang pangolin sa Santisima Trinidad diin atong gipamalandongan nga dunay tulo ka mga persona sa ulusahong Dios.

Ang Amahan, Anak ug Espiritu Santo bisan managlain apan nahimong ulusahon diha sa gugma nga maoy nibugkos kanila.

Tungod sa gugma ang Amahan nipadala sa iyang Bugtong Anak. Ang Anak tungod sa dakong gugma sa Amahan nahimong masinugtanon hangtud sa kamatayon. Ang Espiritu Santo mao ang gininhawa sa gugmang bug-os tali sa Amahan ug Anak nga maoy naghatag og kinabuhi sa atong pagka simbahan.

Gani ang maong kalambigitan sa Tulo ka mga persona sa ulusahong Dios mao man ang gihimong sanglitanan ug dagway sa atong pagka simbahan. Panginhdahay kini nga nagambalay sugod mismo sa atong tagsa tagsa ka banay. Ang banay nga magkahiusa dagway sa Santisima Trinidad. Ang banay nga nagkahiusa maoy sukaranan usab sa nagkahiusang katilingban. Kun walay kahiusa malisud ang pagkab-ot sa gitawag nilang kalamboan.

Apan unsaon man nato pagkab-ot ang gitawag og kahiusan? Una, ang pag-angkon nga diha sa katilingban anaa gyud ang kalainan. Ikaduha, diha sa panaglahi andam unta kitang modawat niini ug ato kining respetohon. Ikatulo, ang paghatag og gahum sa matag usa aron mamahimong makalihok ug makahatag sa iyang katakus segun sa iyang kahimtang sa kinabuhi. Ikaupat, ang gugma nga maoy naghatag og kahulogan sa tanan natong paningkamot . Kun walay gugma walay kapuslanan ang tanan.

Mahinungdanon gyud nga sa maong kalambigitan atong hatagan og kahulogan ug bili ang kada usa kanato nga nia  karon dinhi sa kalikupan sa tawhanong pakigkukabildo. Mao unta kini ang atong pag-ampo: Glory to the Trinity! The Undivided Unity the Father Son and Spirit One, with Whom all life and goodness come!

KALAMBIGITAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with