Mahigtang alagad bati
JAV BANATI - Javier Yntig Tapulado (Banat) - June 10, 2019 - 12:00am

Ang eleksiyon sa Pilipinas dili padaghanayg boto gikan sa mga intelligent voters kondili, padaghanay sa kuwarta nga para vote buying.

Kon wala kay lingin, ayaw na lang patugatuga, kay segurado gayod nga dili ka makadama.

May miingon nga lisod kuno ipruyba ang vote buying. Mao ba?

Sa kadaghang pamilya o botante nga mipasiatab nga nakasapi sila sa eleksiyon tungod kay gipamalit ang ilang boto og linibo ka pesos, dili mapruyba ang pinalitayg boto?

Hinuon, dili man gyod makiha ang namalit kun dili mopayil og kaso ang namaligya ug ang nakasaksi sa mga pinalitay.

Unya, ang Comelec ug mga tinugyanan sa balaod, imbes mosuporta paggukod sa maong binuang nga kalihokan panahon sa piniliay, lisodlisoron ang misumbong.

Pangayoag daghang ebedinsiya nga tinuod ba ang pasangil. Ug kun may ebedinsiya nang natigom, ayha na ipakiha ang gisumbong!

Dinhi ma-discourage ang misumbong. Dili sayon ang masinati sa mopayil og kaso.

Very expensive! Kalas kaayog panahon, kuwarta ug kahagong ibubo. Samot na kun ang imong kontra adunahang politiko, unya nakasakay pa gyod sa lig-ong karwahe sa administrasiyon, diin hasta kapolisan ilaha.

Pero kon ang tanang kapolisan neutral pa, pulos mitahod sa katungod sa mga botante, unta, sila na ang mo-initiate nga magpakaaron-ingnong ordinariyong tawo nga nangitag politiko nga mopalit sa ilang boto. Ug sama sa ilang pagsikop sa mga illegal drug pusher, diin sila nagtakoban isip poseur-buyer, ay, siyaro na mag walay masakpan.

Apan gibuhat ba kini sa atong kapolisan? Pareho ba ang ilang treatment nga gihatag ngadto sa tanang politiko nga mikandidato?

Sa mga midaug nga kandidato sa atong nasud, kaugalingon ba nilang kuwarta ang ilang gigamit paggasto panahon niadtong kampanya sa miaging piniliay?

Wala bay mga milyonariyong linalang nga misuporta nila aron sila modaog?

Kay kun sila midaog tungod sa maong suporta, segurado gayod nga magawngan sila kon molingkod na sa ilang trono.

Ug dili sila makadiskarte sa unsay ilang gusto nga himoong proyekto apan mag-agi gyod sa maong amo nga nautangan nilag dakong kabubut-on.

Morag robot na lang unya sila, nga mosunodsunod kutob sa unsay gusto sa maong pinanser, kinsa sagad gusto gyod nga makaganansiyag dako sa minilyong puhonan nga iyang nabuhos panahon sa eleksiyon.

ALAGAD BATI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with