Tungod sa FB

Si Courtney Sieter nihatag sa iyang panahom kun nganong daghang mga tawo ang ganahan sa Facebook ug nahilansang gayud niini. Kun maghisgot kita og nahilansang nagpasabot kini og paggahin og taas nga panahon sa computer o cellphone nga usahay makalimtan nato ang atong mga trabaho. Kini tungod sa mga mosunod nga rason:

1. Natandog niini ang pleasure center sa atong utok.

Ang mga pagtuon nagtumbok nga diha sa atong paglambigit sa Facebook dunay kalihukan nga nahitabo sa atong brain reward center. Gitawag kii og nucleus accumbens. Giproseso niini ang rewarding feelings sama sa pagkaon, seks, ug pagdawat sa katilingban sa hingtungdan (social acceptance). Kun makuha nato ang daghang mga likes pamati nato ang usa ka positive feedback gikan sa uban ug busa the more kitang mogamit ug malansang sa facebook. Anaa ang pahiyom sa matag usa kun ilang suhiron ang ilang Facebook account ug makita nila ang mga likes ug positive comments sa ilang mga kaubanan.

2. Ang pag-like diha sa Facebook mao ang pagaisipon natong kwarta ingon nga bayad sa atong mga posts ug mga tags. Paagi kini sa pag-ani og mga positive feedbacks sa atong mga kahigalaan diha sa social media. Ania ang mga rason nganong kinahanglan kita mo like.

a. Mao kini ang pinakasayon ug pinakadali nga pagpakita sa atong pag-uyon. Gamhanang gesture kini sa pagpakita sa atong suporta ug pagdason matud pa ni Elan Morgan. Gani bation niya ang tumang kaguol labina kun dili siya makahatag sa iyang pag like kay alang niya pagpakita kini sa iyang disapproval kun pagsupak.

b. Ang pag like paagi sa pag-uyon dili lang sa uban kondili usab sa atong kaugalingon.

c. Ang pag like pagpakita usab sa atong virtual empathy labina sa mga nagkinahanglan niini. Ang mga panghitabo sa kinabuhi sa uban nga dili maayo mahimong atong himoong positibo pinaagi sa atong mga pagpakita sa atong virtual nga tinguha sa pagdasig ug pakighiusa kanila.

d. Praktikal kini nga paagi sa pagkuha sa bisan unsa nga atong gusto ug ang pinakamahinungdanong butang nga atong kab-oton mao man ang maayong relasyon.

Apan diha sa paggamit nato sa Facebook ato unang i-post ang bisan unsang maayo ug dili ang bisan unsang dautan kay ning paagiha mamahimo kitang persons of good influence alang sa uban. Dunay ni pm nako kun unsay akong hugot karon ako siyang gipadad-an og emoji nga mapahiyumon kay sa pagkakaron bugtong comment ko ang pulong keep up the good work.