Pagkamasinugtanon

Mayo 26, 2019: Ikaunom nga

Domingo sa Pasko sa Pagkabanhaw

Mga Pagbasa: Buh. 15;1-2,22-29/

Sal. 67/Gip. 21;10-14,22-23/Jn. 14;23-29

Dunay artikulo si Kendra Cherry kalabot sa pagkamasinugtanon o Obedience matud pa niya: Obedience is a form of social influence that involves performing an action under the orders of an authority figure.

It differs from compliance (which involves changing your behavior at the request of another person) and conformity (which involves altering your behavior in order to go along with the rest of the group). Instead, obedience involves altering your behavior because a figure of authority has told you to.

Nga sa ato pa relasyon tali sa usa ka lider ug sa iyang mga sakop. Sa natad sa discipleship nagpasabot kun kinsa ang magtutudlo ug kinsa ang iyang tinun-an. Sa atong ebanghelyo karon ang Mesiyas nagsugo nga kita magmahigugmaon ug kun tinuod nga Siya atong gihigugma, tumanon nato ang maong sugo sa paghigugma. Ug unsa may kalainan sa pagkamasinugtanon ug sa gitawag nilang pag-uyon?

1. Ang pagka-masinugtanon kun obedience naglangkob og mando samtang ang conformity nagpasabot og hangyo. Ug kay nimando man ang Magtutudlo nga tumanon ang balaod sa paghigugma nagpasabot kini og obligasyon alang sa atong bahin.

2. Ang obedience nahitabo tungod kay atong gitamod ang nagsugo samtang ang conformity nahitabo tungod sa request o hangyo sa atong ka level o kaparehas og ranggo.

3. Ang obedience nag-agad sa tinubdan sa gahum diha sa katilingban samtang ang conformity atong pagabuhaton aron mamahimo kitang socially accepted sa atong palibot.

Apan sa laing bahin ang atong Ginoo wala lang mosugo sa balaod sa gugma ngadto sa mga tawo nga nahimong mabutahan sa gahum sa balaod kondili ang maong balaod sa paghigugma gipuy-an mismo sa Iyang kinabuhi.

Sa ato pa nahimo siyang authoritative tungod kay iyang gipuy-an ang iyang pagtulon-an.

Lisud na kaayo ang obedience karon sanglit daghan na kayo og gihunahuna ang mga tawo sa kinabuhi.

Gani wala na silay focus sa ilang gipangbuhat dili ba ang obedience dunay dakong kalambigitan sa pulong “Ob audire” nga nagpasabot og “To hear!”

Sa ato pa diha sa atong pagpaminaw atong tumanon ang bisan unsa nga atong nadungog dili tungod sa kalisang kondili tungod sa atong paghigugma sa nagsugo kanato nga mao ang atong Magtutudlo nga nagpakaubos aron kita makakat-on.