EDITORYAL - Basura gikan sa Hong Kong
(Banat) - May 25, 2019 - 12:00am

Wa pa gani makuha pagbalik sa Canada ang ilang mga basura nga gipadala dinhi sa Pilipinas, karon lain na sab nga mga imported nga basura ang nadiskubrehan ug kini gikan sa China nga gipaagi sa Hong Kong.

Matud pa sa report, ang maong 25 ka toneladang mga basura gikan sa Hong Kong nasakpan sa mga sakop sa Bureau of Customs didto sa Mindanao Container Terminal sa Tagoloan, Misamis Oriental niadto pang Enero 2, 2019.

Ang maong mga basura nga sagol plastic matud pa sa EcoWaste Coalition sagol usab niini ang mga guba nga electronic parts ug residual waste materials. Gipadala kini dinhi sa Hin Yuen Tech. Env. Limited ug ang consignee mao ang Crowd Win Industrial Limited.

Maayo nalang nga nasakpan kini sa BOC tungod kay matud pa testing ra diay kadto nga shipment. Kun dili gani masakpan, duna pay 70 ka mga containers nga susama niini ang sulod nga ipadala dinhi.

Naunsa naman ni, tambakanan na ang Pilipinas og mga imported nga basura? Una nang nasakpan kaniadto ang South Korea nga nagpadala og mga basura dinhi.

Nangayo og pasaylo ang maong nasud ug gikuha nila pagbalik ang maong mga basura.

Sunod ang nasud sa Canada nga aduna pay 69 ka mga container vans nga basurang ilaha pang kuhaonon pagbalik subay sa protesta sa gobiyerno sa Pilipinas ilabi na ni Pres. Duterte.

Karon ang China na sab maoy nagpadala og basura dinhi. Kun tinuod kini, naghilas-hilas lang ang China tungod kay niadtong tuig 2018 gi-ban sa China ang importasyon og mga plastic nga basura sa ilang nasud.

Apan karon, sila na maoy nag-export niini sa mga silingang mga nasud sama sa Pilipinas, Vietnam ug Malaysia.

Ang BOC gikatakdang mopadala pagbalik sa maong mga basura ngadto sa Hong Kong sa umaabot nga mga adlaw.

Maayo unta og kun unsa kasuko si Duterte sa Canada tungod sa ilang basura, mao usab iyang buhaton pagsaway sa China.

BASURA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with