EDITORYAL - Daghang wa kasabot sa K-12
(Banat) - May 23, 2019 - 12:00am

Daghan pa gihapon kaayo ang wala makasabot sa pagpatuman sa K-12 sa educational system sa Pilipinas, dili lang mga ginikanan kondili bisan ang mga kompanya.

Sa social media daghan kaayong mga netizens ang nagbuot-buot og sabot bahin sa nigawas nga balita nga ang Commission on Higher Education mo-review sa ilang transition program ug dili ang curriculum.

Kini aron ang ilang sistema mohaom sa K-12 nga maoy basic education sa Pilipinas. Kinahanglang mohaom ang programa sa CHED sa K-12 kay daghang makahuman sa senior ang mopadayon sa kolehiyo nga sakop sa CHED.

Ang kalihim sa DepEd nga si Sec. Leonor Briones miingon nga sayop ang pagsabot sa mga tawo kadtong balita. Apan sa social media, dunay mga nikatap nga mga fake news nga nag-ingong si Pres. Duterte mismo gustong wagtangon ang K-12, unya daghan sab ang nituo og ni-share pa gyud niini sa uban bisan wala nila tan-awa kun diin gikan ang maong report.

Sukad nga gipatuman ang K-12 program niadtong 2011 hangtud karon dunay mga tawong dili gusto niini. Duna say mga ginikanang taphaw kaayo og rason kay kuno dugang gastos lang kini.

Sa ato pa ini og tapos sa upat ka tuig nga high school ilang anak ilaha dayong patrabahoon?  Sagad nga edad sa motapos sa high school 16 anyos.

Kun ilang palahuson sa kolehiyo, sa unang duha ka tuig unsa may mga subjects, di ba minor subjects ra? Unsa may gamit ani sa kursong ilang kuhaon?

Kun sa K-12 ini og human sa senior high, 17-ngadto sa 18 anyos ang estudyante husto na sa edad ug may natapos nang technological vocational course.

Sa ato pa, ang uban kanila makatrabaho na kay may skills na silang nakat-onan ug may diploma pa.

Sa karaang sistema, kun second year college pa ka, duna na bay diploma ug skills ang estudyante? Asa may labing maayo karon sa duha, ang K-12 o ang karaang sistema? 

K-12
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with