Ang basura
AMBOT LANG - Gerry Auxilio (Banat) - May 23, 2019 - 12:00am

Tungod sa disgrasya nga nahitabo diin nalubong ang mga basurero nga naglabay og basura, temporaryo nga gipahunong ang operasyon sa usa ka pribado nga sanitary landfill sa lungsod sa Consolacion diin gilabay ang basura nga gikan sa dakbayan sa Sugbo.

Ang temporaryong pagpahunong sa operasyon sa Consolacion landfill nakapatapok sa nagduga na nga basura nga lima ka adlaw na nga nakamugna og grabing ka baho.

Gumikan niini, gilabay ang nagtapok ug nanimaho na nga mga basura didto sa napulo ka ektarya nga Binaliw landfill nga nahimutang sa Barangay Binaliw dakbayan sa Sugbo.

Apan ang mga taga-Barangay Binaliw nagprotesta tungod sa ka baho sa basura nga gilabay sa ilang barangay nga ilang gikahadlokan nga makamugna og sakit.

Ang suliran sa paglabay sa basura dili lamang kini problema sa dakbayan sa Sugbo kondili problema usab kini sa nasud sa Pilipinas ug ubang mga kanasuran sa kalibotan.

Kun wala pa mo malimot, ang South Korea, Japan ug nasud nga Canada ang nagka problema pod sa paglabay sa ilang mga basura maong ila kining gisuwayan sa paglabay dinhi sa Pilipinas ug unfortunate para sa atong nasud kay nakalusot gayod ang mga basura nga gikan sa gawas sa nasud.

Tungod sa ka baho ug ka luod sa basura gisap-ongan ang ilong ug gipiyong ang mata sa mga tawo kay dili sila gusto nga makapanimaho ug makakita niini. Gilikayan sa mga tawo ang baho ug luod nga basura tungod kay nahadlok sila nga masakit.

Pero diin ba gikan ang baho ug luod nga basura nga gikahadlokan sa katawhan nga makahatag nila og sakit? Kinsa ba ang nagmugna sa nanimaho ug makaluod nga basura, dili ba ang mga tawo ra pod?

Mas maayo seguro nga sa dili pa kahadlokan sa katawhan ang mga nanimaho ug makaluod nga basura, dili pod kalimtan sa katawhan nga ang basura gikan nila.

BASURA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with