Gustong mapanag-iya ang giprendang yuta kun di malukat
Dear Atty. Divine:
Ang among farm land giprenda sa akong inahan og P500,000.00. Dapat bayran niya ang maong utang sud sa duha ka tuig. Mipirma ang akong mama og Real Estate Mortgage ug base sa ilang kasabutan kun dili makabayad si mama sa utang automatic nga mapanag-iya sa giprendahan ang farm land. Sa sunod buwan na mo due ang utang ni mama ug naglisud mi sa pagpangita og kwarta para ibayad kay dako man gud og interes ug dako sad mi og gasto sa hospital sa akong mama. Ang akong pangutana kun sakto ba ang ilang kasabutan nga automatic mapanag-iya sa giprendahan ang farm land kun di mi kabayad? Daghang salamat.
Johnny
* * *
Dear Johnny,
Basi sa Article 2085 sa atong Civil Code gidid-an ang creditor sa pagpanag-iya sa butang nga gi-pledge o gi- mortgage sama sa yuta sa imong mama nga giprenda. Kun di makabayad ang nangutang kinahanglan nga i-foreclose ang property ug dayon i-public auction ug ang proceeds niini maoy ibayad sa utang.
Kanang kondisyon sa ilang kasabutan nga automatic mapanag-iya sa giprendahan ang farm land sa imong mama kun di siya kabayad sa utang usa kana ka kalapasan sa balaod. So, wa kanay legal effect ug dili mamahimong tumanon. Kun i-transfer gyud ang ownership sa inyong farm land sa giprendahan mamahimo kini ninyong babagan. Thanks and God bless!
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column.
- Latest