Nganong napildi sa piniliay
AMBOT LANG - Gerry Auxilio (Banat) - May 21, 2019 - 12:00am

Daghang rason nganong mapildi sa piniliay o eleksiyon ang kandidato ug mao kini ang pipila sa mga nag-unang rason: una, walay kuwarta o gilupig sa kuwarta sa kaatbang sa politika. Ikaduha, nalupig sa mga pamaagi nga gihimo sa kaatbang unsaon pagdaug sa eleksiyon. Ikatulo, gitikasan.

Dinhi sa Dakbayan sa Sugbo daghan ang mihatag sa ilang mga pangagpas sa rason nganong napildi si Mayor Tomas Osmeña ni Bise Mayor Edgardo Labella. Adunay miingon nga napildi si Osmeña tungod kay wala makagawas ang kuwarta niini gumikan sa daghang polis nga nagbantay sa balay sa mayor ug sa balay sa iyang mga sinaligan.

Aduna poy miingon nga napildi ang mayor tungod sa ka bati og batasan niini ug managad lang og mag- eleksiyon pero kun wala gani eleksiyon dili gyud makaila sa mga tawo nga iyang gilamano ug gigakos sa iyang pagpangampanya. Sa laktod nga pagka sulti, ilang gihulagway si Osmeña nga tigpaka-aron ingnon ug plastik.

Samtang ang uban kanila miingon nga napildi siya kay iyang gikontrahan ang mga polis maong estrikto kini sa pagpahigayon og checkpoints ug gibantayan ang lihok sa iyang mga lider ilabi na ang lihok sa mga nagdala sa pontil.

Kining maong mga rason kun imo nga tagsa-tagsaon lisod nga tuohan pero wala kitay mahimo kun mao pud kini ang ilang pagtoo. Kun sayop man sila mao ni giingon sa ako amigo nga diha sila nasayop sa sakto nilang pagtoo.

Ibutang ta nga napildi si Osmeña tungod kay wala makalihok ang iyang kuwarta buot bang ipasabot niini nga nakadaug siya kaniadto tungod sa iyang kuwarta? Dili pud seguro ingon ani. Murag dili pud makiangayon ug makatarunganon unya dako pud kini nga insulto sa mga tawo nga mibotar sa mayor kaniadto dihang siya midaug.

Dili pud ko motoo nga ang panagbangi sa kapolisan ug sa mayor ang hinungdan sa iyang kapildihan. Hinuon ako nagtoo nga napildi ang mayor ning maong eleksiyon tungod kay gamay ra ang iyang boto kun ikomparar sa boto nga nakuha ni Bise Mayor Edgardo Labella. Ngee.

ELEKSIYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with