EDITORYAL - Brigada Eskwela
(Banat) - May 21, 2019 - 12:00am

Sa sunod semana buksan na sab ang klase sa mga nagkadaiyang mga tunghaan sa nasud alang sa usa ka tuig nga patungha sa mga bata.

Ang Brigada Eskwela usa ka programa nga gihimo sa Department of Education matag tuig aron manglimpyo, mamintal, mag-repair sa mga nangagubang mga lingkuranan, desk, bintana, mga pansayan, linya sa kuryente ug uban pa sa mga pasilidad sa mga tunghaan.

Aron mas ganahan ug ma-excite ang mga bata sa umaabot nga tingklase, gipaapil gyud ang ilang mga ginikanan sa pagpanglimpyo.

Gani duna pay uban nga may mga magtutudlo nga mi-require gyud niini sa ilang mga estudyanteng gustong magpa-enroll nganha kanila.

Apan dili tanan ang makasalmot tungod sa trabaho ug uban pang rason. Dunay uban nga tubig-tubigan mosaad nalang nga maoy mogasto sa pipila ka mga kinahanglang materyales aron mas mapanindot pa ang lawak-saringan sa ilang mga anak.

Dili unta kini himuong rekisitos o pinugsanay aron lang gyud dawaton ang mga bata nga makatungha tungod kay gigarantiya baya sa gobiyerno nga tanang kabataan sa nasud kinahanglang makatungha nga libre, mao nga dunay mga public schools.

Karong mga panahona, daghan naman kaayong mga organisasyon, asosasyon, ug bisan gani mga pribadong kompanya ang interesadong mosalmot niining programaha sa DepEd.

Sa Metro Cebu, dili kaayo kini lisud ilabi na nga daghan kaayo ang gustong moboluntaryong motabang, sagad niini mao kining mga pribadong mga kompanya diin sila nagbase o nag-operate.

Apan unsaon man ang mga tunghaan sa kabukiran ug mga lagyo nga isla? Kinsa may motabang kanila? Sayod naman daan ang katawhan nga pila ramay kitaon sa mga ginikanan didto.

Samtang maayong dayegon kining mga pribadong stakeholders nga nagpakabana sa kahimtang sa mga tunghaan. Apan mas dalaygon pa gyud kun ang ilang resources adto nalang nila ibubo sa mga hilit nga mga tunghaan o mga lugar nga gitawag og “panitika’g-baki” tungod sa kalayo nga diin nihit gyud kaayo ang ayuda.

BRIGADA ESKWELA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with