EDITORYAL - Maayong permanentihon
(Banat) - May 18, 2019 - 12:00am

Maayong permanentihon ug himuong matag buwan ang maritime exercises tali sa Pilipinas ug mga kaalyadong mga nasud sama sa Amerika, Japan, Australia, ASEAN states ug panagsang kauban ang China diha sa West Philippine Sea.

Kini aron maanad na ang China ang maong kadagatan dili gyud ilaha kondili sa Pilipinas ug sa international community. Niadtong nakalabay nga duha ka adlaw, ang Philippine Coast Guard ug US Coast Guard naghimo og joint search and rescue operation exercise duol sa Panatag Shoal.

Sama sa naandan, nagpadala nang daan ang China og duha nila ka coast guard nga barko ug naniid sa mga gipangbuhat sa PCG ug USCG. Mura sila og langaw nga nagsunod-sunod hinuon wala man nila samoka ang maong kalihokan kondili nagpadistansya lang sila nga naniid.

Dili palang dugay sab, niprotesta ang China sa kalit nga paglabay sa duha ka mga US Navy nga mga barko sa Gaven ug Chigue reefs sa Spratly Islands  sakop sa Kalayaan Island Group (KIG) kay nganong wala kuno mananghid kanila.

Ang US padayong miinsister nga ang maong kadagatan naa sa international waters ug walay nasud nga makapangangkon niini, ilabi na pakgangon sila sa ilang paglawig sa maong lugar.

Ang maong bahin sa West Philippine Sea giilogan sa Pilipinas, China ug Vietnam. Apan ang China maoy labing agresibo sa mga claimants.

Ang pagpahigayon kanunay og maritime exercises sa Pilipinas kauban ang ubang mga kaalyadong nasud diha sa WPS makapahuyang sa pangangkon sa China diha sa maong dapit.

Hangtud nga ang ubang mga nasud padayong niila sa lugar nga international waters ug masiguro ang kagawasan sa mga barkong komersyo nga maglabang-labang diha, dili gyud kini maangkon sa China.

Busa ang mga maritime exercises nga sama sa gibuhat sa PCG ug USCG makahatag og kasigurohan ug dugang seguridad sa mga neutral nga mga nasud sa maong dapit, ug way mahimo niini ang China.

WEST PHILIPPINE SEA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with