Unsay Angay buhaton aron malikayan ang paghikog?

Matud pa nila prevention is better than cure. Mao nga kun ugaling makita o masinati na ang mga sintomas sa tawo nga dunay laraw pagkutlo sa iyang kinabuhi kinahanglan nga mohimo gyud dayon ang mga nakamatikod og mga lakang aron kini mapugngan. Kini naglangkob ning mosunod:

1. Ang pagkuha sa bisan unsang kahimanan sa paghikog sama sa pisi mga tabletas, hinagiban ug uban pa nga mahimong gamiton sa tawong may suicidal potentiality.

2. Ang makanunayong pagdasig sa hingtungdan nga mohimo og usa ka cognitive change nga sa ato pa imbis maka focus sa bisan unsang negatibo kinahanglan nga iyang pillion ang bisan unsang positibo kay kini makatabang kaniya.

3. Dili gyud siya biyaan kinahanglan nga duna siyay kuyog sa kanunay.Dili siya maayo nga biyaan nga mag-inusara aron di mahaling ang iyang dakong tinguha nga iyang hunoson ang iyang kaugalingong kinabuhi.

4. Kun mahimo mas labing maayo nga mopailawom sa therapy nga pagadumalahon sa mga eksperto ning mga butanga.

5. Ang pagdapit sa mga kabanay ug mga kahigalaan nga mohimo og support group alang ning maong kahimtanga. Mas maayo nga dunay tabang o ayudang emosyonal aron sa ingon makabati og sweguridad ang hingtungdan nga ning talandugong higayon sa iyang kinabuhi anaa ang iyang mga mahal sa kinabuhi nga mogiya ug mouban kaniya ning maong dakong panginahanglan.

6. Ang pagpalig-on sa pamilya nga naapektuhan kay diha pagpaminaway anaa ang tinud-anay nga kalipay.

Bililhon kaayo ang kinabuhi. Dili lalim ang pagsugod niini mao nga dili usab maayo nga dali ra pud kini hunoson tungod lang sa mga problema. Matag usa kanato adunay kaakuhan ug tulubagon kalabot ning maong isyu ug dili haom wala kitay himoon.  Mahimong sakop man sa atong pamilya o dili ang hingtungdan angayan lamang nga kita manginlabot.  Kun ang usa ka batan-on o bisan kinsa mo post og mga suicidal notes sa Facebook dili nato angayan nga balewalaon. Ang pagpinutong dili sulbad sa mga problema.