Gasa sa Mother’s Day
JAV BANATI - Javier Yntig Tapulado (Banat) - May 10, 2019 - 12:00am

Pag-abli nako sa window nga pang Mother’s Day 2019, naglinya ang mga online business nga namaligyag produkto nga haom himoong gasa alang sa minahal tang inahan, para ning adlawa mismo, Hunyo 12, Domingo, diin saulogon ang Mother’s Day.

Gikan sa bulak, pahumot, pangpaguwapa, alahas, bag, sapatos ug hangtod na sa restawran, ang kadaghan gyong negosyante nga  mitanyag og discount promo aron matental kitang mga kunsomidor pagkubit sa paon nga ilang giladlad.

Hinuon, ang mga adunahan ra gyud ang makaabot niining mga mahalong regalo.

Labi nag adto isaulog ang ilang Mother’s Day sa mga dekalidad nga kan-anan uban sa tibuok pamilya, ay, pagkalalim sa kalipay nga ilang saw-an. Kay ilang gimatuod nga ang ‘Family that prays together, eats together and stays together.’

May datong magtiayon, kinsa pulos dollar pensioner, mao na lang intawong duha ang nagpuyo sa ilang dakong balay.

Ilang mga anak pulos doktor ug nars pero atua na puyo sa Amerika.

Kada Mother’s Day padad-an silag gasa in form of cash or very expensive items.

Pero they are not happy. Unsaon, naa silay daghang ingon ini.

Ang gusto nila mao ang presensiya sa ilang anak, ang kainit sa pinitik sa ilang kasingkasing nga modapat sa ilaha diha sa ilang panaggakos.

Ilabi na, ning panahon nga talisalop na sila sa kasadpan, diin igo na lang sila sa paghandom niadtong hawok sa ilang mga anak nga kanhi modapat sa ilang aping dungan ang pag-ingon: “Good night, Mom. Good night, Dad!”

Hinuon, ang maong adunahang magtiayon nanghatag sa mga kabos. Ug mao kini ang gihimo nilang kalingawan. Ning Mother’s Day, segurado, manghatag na sab sila.

Kay dinhi, matod pa nila, ilang matagamtaman ang tinuorayng kalipay sa kinabuhi. Pagkatahom nga gasa!

Usa ka inahan, kang kansang anak nakapasar sa latest bar exam, puwerting lipaya.

Kay sama sa amahan, ang ilang anak babaye, usa na sab ka CPA-Lawyer.

Ang bituon nga gipangandoyng makab-ot sa inahan, nahatag sa anak. Busa, si Mama nakatuaw sa tumang kamaya: “Pagka sayo sa imong gihatag nga Mother’s Day gift nako, Inday!”

Bitaw, daghang pang-Mother’s Day gift nga nindot iregalo. Pilia gyud kanang talagsaong gasa nga makahatag sa inahan og  kalipay’ng walay kinutoban.

MOTHER’S DAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with