Panghasi
LINTUNGANAY - Fred P. Languido (Banat) - May 5, 2019 - 12:00am

Sayo pa aron politika maoy itumbok nga motibo pagpangrakrak sa display center sa Chevrolet didto sa dakbayan sa Mandaue.

Apan dili kalikayan nga ang nagbukal nga kawa sa politika dinhi sa dakbayan sa Sugbo maoy unang motibo nga malilian sa publiko.

Kini tungod kay ang maong kompaniya gipanag-iya ni konsehal Franklyn Ong, usa sa mga suod nga kaalyado ni Mayor Tomas Osmeña.

Dili sab ni unang higayon nga ang mga alyado sa mayor gihasi og pangrakrak. Sa miaging Abril girapido sab ang mga panimay sa duha ka mga kapitan sa bukirang barangay sa Sinsin ug Sudlon 2 nga mga alyado sa Bando Osmeña Pundok Kauswagan.

Gawas niini gikataho sab ang pagpanghasi batok sa ubang mga kapitan nga nailang supporter sa BOPK.

Kun dili politika ang nagpaluyo niini, sulagma ba lang nga ang tanang biktima mga alyado sa BOPK? Kinsa ba ang mga tawo nga nagpaluyo sa maong mga pagpanghasi?

Kun ang mayor maoy pangutan-on, siguradong polis maoy iyang pasanginlan sama sa nahitabong pagpangrakrak sa mga panimay sa iyang mga alyado didto sa kabukiran.

Wala malilong sa kadaghanan ang pasangil ni Osmeña nga gigamit sa iyang kaatbang ang kapolisan aron hasion ang iyang mga supporters.

Busa dako ning hagit sa kapolisan aron pamatud-an nga sayop ang pasangil sa mayor. Angayang sulbaron sa kapolisan ang maong mga krimen ug dakpon ang mga responsable.

Dunay mga video nga nakuha sa CCTV sa sakyanan nga gigamit sa mga responsable, tingali makatabang ni sa kapolisan kun ilang seryosohon ang imbestigasyon.

Dako nga tanghaga nganong hapit tanang krimen dinhi sa Sugbo puti nga van maoy gisakyan sa mga responsable. Nagpasabot ba ni nga usa ra sila ka grupo?

Unsaon pagpasabot sa kapolisan nga taliwa sa nagpasad nga checkpoint, sayon rang makalusot ang mga kriminal?

Nahibawo ko nga di maayo ang relasyon sa kapolisan ug ni Osmeña apan hinaut di ni mahimong babag aron tumanon sa kapolisan ang ilang katungdanan.

PANGHASI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with