Subong panagway sa Labor Day
JAV BANATI - Javier Yntig Tapulado (Banat) - May 3, 2019 - 12:00am

Kada Labor Day, may mga job opportunities gayod nga ipangladlad sa mga malls aron kahatagan og kahigayonan ang walay trabaho nga makasulod sa nanginahanglang kompaniya dinhi sa ato, sa kaulohan o lakip na sa gawas sa atong nasod.

Daghan man tuod ang bakanteng posisyon, pero halos doblehon o sobra pa ang gidaghanon sa mangaplay, diin ubay-ubay ang dili madawat.

Gastos ug hago ang pagpangaplay’g trabaho. Kana lang pangayoan ka’g Transcript of Records, diploma ug uban pang mga importanteng dokumento, linibo gihapon ang magasto ini! Luoyang Nanay ug Tatay, sa?

Hunahunaa lang, nga gikan sa pre-school hangtod na sa pagraduwar sa kolehiyo, puwerte intawong ginastohay sa mga ginikanan nga kanunayng naghunahuna sa mahayag nga kaugmaon sa ilang mga anak.

Ambot, pila kaha ka million pesos ang nagasto nilang Papa ug Mama from childhood days until adulthood stage in school, diin sila walay hunong pagpinangitag kuwarta aron lamang mahimong Registered Nurse ug licensed engineer ilang mga anak?

Ang pangutana mao: makatrabaho ba dayon sila? Ug kun makatrabaho, dako ba’g suweldo?

Sa mga pribadong ospital dinhi sa ato, aduna pa gihapoy mga nars nga nagsuweldo og P8,000 kapin kun kulang ang bulan.

Sa mga pribadong banko, diin ang mga empleyada desente ang unipormeng gisul-ob, tag P11,700 ra intawon ilang monthly salary.

Kini kuhaan pag SSS ug Pag-ibig. Pila na man lay mahabilin sa ilang kita? May ikaplite pa kaha para habalhabal?

Sa miaging Labor Day, mao gyud kini ang gihinuktokan sa mga concerned citizens, kinsa hagbay rang nakasinati unsa ka unfair ang labor practice dinhi sa atoa. 

Lalim bay, hasta kapila na mosulbong ang bili sa mga palitonon, ang suweldo sa mamumuo mao ra gihapon.

Ug kun tuboan man tuod ilang kita, gamay ra kon ikomparar sa nagpadayong pagtubo sa presyo sa atong basic needs, diin tungod sa kamangtas sa TRAIN Law, ang panudlanan sa gobiyerno ug mga higanteng negosyante maoy nabusog, samtang ang pobreng konsumidor misamot kagutom.

Ingon niini ang kinatibuk-ang larawan nga nakita sa mga mausisahong kadaghanan sa miaging Labor Day. Subo kaayo ang panagway nga nagpaninggit og hustong kausaban sa panuweldo.

Hain na ba kadtong saad nga hatagan og maginhawang kapanginabuhian ang mga kabos?

LABOR DAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with