EDITORYAL - Kanus-a mapuslan ang CCMC?
(Banat) - April 26, 2019 - 12:00am

Pakyas na sab ang Cebu City sa pagtuman sa ilang saad nga mabuksan ug magamit na sa katawhan ang bag-ong Cebu City Medical Center nga niadto pa untang nakalabay nga tuig nahuman. Ang maong proyekto nga nagkantidad og gatosan ka milyones ka pesos hangtud karon dili pa gihapon magamit sa katawhan. Mismo pa si Konsehal Mary Ann delos Santos miingon nga mabuksan niadtong Marso ang unang tulo ka andana sa napulo ka andang building aron magamit na sa mga tawo apan hangtud karon walay nahitabo.

Kini tungod kay matud pa sa report, bag-ohay lang gisugdan ang Phase 2 sa maong proyekto nga mao ang pagpanindot sa sulod, mga tubo, electrical connections ug mga bintana apan giingong sa buwan sa Septiyembre pa kini mahuman.

Usa sa gibasol sa kalangay sa paghuman sa proyekto mao ang proseso sa pagpamalit sa mga materyales ug uban pang galamiton sa konstruksyon tungod nga kinahanglang magsubay kini sa proseso.

Makadaghan sab nagkaaberya sa bidding, program of works, ug wala pagkasinabot sa engineering department sa siyudad ug sa kontraktor.

Ang orihinal nga target makompleto unta  niadto pang 2018 , apan karon 2019 nalang ug mag-ilis na sab og mga opisyales ang dakbayan karong Mayo, wala pa gihapon kini mahuman. Apan namatikdan nga bisan wala pa gani mapahimusli pirme naman kining gihisgotan sa mga kandidatong nangambisyon og posisyon sa siyudad sa ilang pagpangampanya.

Kataw-anan paminawon kay ang mga kandidato nagsige og hisgot niini sa mga botante nga wala pa gyud sukad makasulod sa bag-ong CCMC nga ilang gipanghambog.

Sayo unta kining nahuman kun sa sinugdanan palang gitarong na ang proseso, pagplano ug gipangandaman og pundo.

Hagbay ra man unta gyud kining nahuman kun dili pa grabe kakuti ang procurement laws sa Pilipinas nga kinahanglang sundon.  Angay tingaling imbes ipagarpar ang CCMC bisan wa pa mahuman, mas maayong ipanaad sa mga kandidato nga paningkamotan nilang mausab kining procurement laws.

 

CCMC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with