Aging gracefully

Kining atong pagpuyo dinhi ning walog sa mga luha usa  ka adventure.  Sama da nga nagpadulong kita sa halayong dapit nga walay klarong agianan ug walay klarong destinasyon.  Usa ka challenge nga kun huyang kita’g balatian, dali kitang ma-discourage, dayong surrender, dayong give up.

Kun mao kini ang atong attitude o panglantaw sa kinabuhi, atong panghimarauton ang atong kaugalingon gumikan sa atong pagkatigulang. Dili kita maka-enjoy sa nanghibiling gutlo sa atong kinabuhi. Sa laktod dili kita maka-age gracefully, nga unta, ang edad is but a number and state of the mind.

So, kun pilay, atong edad karon, numero lang kini ug ania ra sa atong hunahuna nga kita tigulang na.

Sa ato nang gibalikbalik dinhi, samtang dili kalikayan ug dili kapugngan ang pagkatigulang, apan mahimo nga magpabilin kitang batan-on. Batan-on sa panghunahuna, batan-on sa  pamayhon, ug batan-on sa pagbati. Sa Eningles pa: young in looks, young in thinking, and young at heart.

Dugang niini, giingon dinhi nga aron magpabilin kitang baskog ug himsog, exercise regularly, ayaw pagpadala sa tapul. Matud pa, be active even for thirty minutes a day. Sa ato pa, lihok gyud. Daghan kita’g gimbuhaton sa atong panimalay.

Unya, socialise. Among others, tambong sa mga miting sa inyong chapter sa senior citizens. Get involved in community and religious activities. Ayaw pag-inusara. Remember no man is an island, ug ang tawo is a social being.

Ato ning sublion dinhi ang tambag: Be determined to fight all the way. Wake up happy. Stay healthy. Avoid undue stress. Spread joy. Count your blessings. Share your treasure. Keep up with the times. Be creative. Be well informed. Grow spiritually. Be victorious. Laugh. Most of all, be yourself.     

Lisud ba gud ning buhaton? Lisud ba gud nga momata ka nga malipayon? Nganong sugaton man nimo ang bag-ong adlaw sa masulob-on nga panagway?

Lisud ba gud ang pag-maintain sa maayong panglawas? Lisud ba ang pagbiya sa sigarilyo ug sa mga imnonon nga makahubog? Lisud ba gud ang paglikay sa stress? Kinahanglan ba gud nga ma-stress ang tawo gumikan sa mga suliran nga gihambin niya?

Lisud ba gud ang spread sa joy? Ang pagsalibwag sa kalipay inay kagul-anan maoy atong ipaambit sa uban? 

Daghang mga maayong butang ang atong nasinati ug natagamtaman, mga blessings gikan sa Ginoo. Ngano nga ang mga dautang butang man ang atong ihapon?  Ug lisud ba ang pagpaambit ngadto sa uban sa atong mga katigayunan ug kabtangan? Morag lisud ni, kay in many instances, moandar man ang atong kahakog. Mangawat ug manikas pa man gani ta, aron makasapi og daghan, unya  i-share pa nato ngadto’s uban?

Ayaw paghunahuna unsay anaa na, ni-exist na. Paghunahuna og something else, something new.  Be creative, matud pa. Pakisayud sa mga panghitabo, sa mga butang nga nag-alirong kanimo.   Pagmadaugon kanunay. Otherwise, kun maghunahuna ka nga mapilde ka, pilde ka.  Katawa. Ayaw pugngi ang imong kalipay. Healthful baya ning pagkatawa. Tan-awa nang mga hingatawa nga tawo, di ba mga maayo’g lawas. Malipayon. 

Ug ... paduol kanunay sa Ginoo. Be prayerful. Pagmaampuon. Ug labaw sa tanan, be yourself. Ayaw pangopya sa mga kinaiya sa uban, sama sa mga artista. 

So, lisud ba gyud ang pag-age gracefully?