Disaster man ang life

Mao nga wa siya ka feel sa linog. Apan sa tinuoray lang, usa kini ka komedya taliwala ning malisud nga panahon sa pagpaningil sa kinaiyahan.

Kahadlok tuod kun mahitabo ang giingon nilang Big One. Dili pa lang dugay gitay-og usab ang Eastern Samar ingon man kitang nia dinhi sa Sugbo.

Ang maong linog tectonic in origin ug dunay gikusgon nga 6.2 magnitude. Sa ato pa, kusogkusog sab to. Wa ta masayud sa sunod nga mga panghitabo. Hinuon dili maayo nga atong paharion ang kalisang ning panahon sa katalagman.

Angay natong hunahunaon nga mas labing maayo nga atong hunahunaon ang mga butang makapahatag nato og kalig-on panahon sa pagsulay. Ang linog normal lamang nga hitabo sa atong kinabuhi ingon nga kabahin sa liyok sa kinaiyahan.

Sa laing bahin, mahimong atong sabton ang linog ingon nga simbolo sa kahaguka sa matag tawo nga wala makatunob sa reyalidad sa kinabuhi. Ang maong kahaguka maoy nakapahimo kaniya nga emotionally unstable labina sa mga krisis nga nahitabo sa kinabuhi niya.

Ug kun ugaling wa siya’y solid foundation unsaon man niya pag survive? Tinuod way maayong laki kun matay-og na ang kinabuhi apan taliwala sa kusog nga intensity moabot ra gihapon nga ma-align ang mga faults sa kinabuhi sa tawo ug mahitabo lamang kini kun andam ang hingtungdan nga mohangop sa mga aftershocks kuyog niini.

Mga aftershocks nga usahay mura pud og linog kun buot hunahunaon apan kun ugaling kini mahitabo man, angay kang maglipay kay at least normal ka nga tawo ug dili mahimong disaster imong kinabuhi tungod kay tawo kang nisinati kun unsa diay ang kalisud diha sa pagtay-og.

Hinumdomi nga human sa maong pagtay-og mobanos ra sa gihapon ang kalinaw.