Pagkawalay disiplina!
SAKSAK SINAGOL - Lucky Malicay (Banat) - April 24, 2019 - 12:00am

Wala gyud diay mausab ang sistema diha sa Bantayan Island matag Semana Santa. Padayon gihapon ang problema sa paghipos sa nagkatag nga mga basura nga basta na lang gibiyaan niadtong mga walay puangod sa kabaybayonan.

Kaingon ko ba kun nakaamgo na ang tanan, nga nagkinto ug mosunod na sa lagda sa maayong paghipos sa basura atol sa mga kalihokan diha sa maong isla matag Semana Santa. Apan mas grabe man diay ang nahitabo sa nakalabay Holy Week.

Kaniadtong niaging mga adlaw, miani og nagkalain-laing reaksiyon ang mga litrato nga gi-post sa The Freeman online edition mahitungod sa nagkatap nga mga basura sa kabaybayon didto sa lungsod sa Santa Fe.

Ang tonelada nga mga basura, nga moabot og upak ka trak, gibilin lamang nga wala hiposa sa liboan ka nga bakasyonista kinsa midagsa sa maong lugar atol sa halapad nga holiday panahon sa obserbasyon sa mahal nga adlaw.

Daghan ang misaway niadtong mga bakasyonista tungod lagi sa ilang pagkawalay disiplina.

Kini bisan pa man sa daghang balaud ug ordinansa nga napasar nga nagdili sa pagpataka lamang og labay sa basura.

Hinuon makaingon kita nga dili gayud kana malikayan gumikan sa dakong bul-og sa mga bakasyonista nga midagsa sa maong lugar niadtong higayona. Ug nga lisod gayud sila nga monitoron sa otoridad kon kinsa kanila ang nagpataka na lamang pagbilin sa ilang hugaw.

Apan angay usab unta nga gipangandaman sa otoridad ug sa local government unit ang ingon niadto ka dako nga kalihokan.

Angay unta nga ilang giestrikto ang pagbantay ang mga bakasyonista aron nga dili sila magpataka og labay sa ilang basura.

Angay usab nga mabasol ang otoridad sa maong problema didto sa Bantayan Island sa niaging Semana Santa. Klaro nga nagkulang sila sa paningkamot pagpitol niadtong milapas sa balaod sa insakto nga paghipos sa basura.

Subong palandu-ngon nga dili gayud mapakyas pagbutho kining maong problema matag tuig. Nag-anad man gud usahay kining mga bakasyonista tungod lagi kay wala may mosita kanila sa ilang mga basura.

Kinahanglan nga mahigmata na kita niining maong problema.

HOLY WEEK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with