EDITORYAL - Panatag Shoal na sab
(Banat) - April 18, 2019 - 12:00am

Mohimo na og legal nga lakang ang Department of Foreign Affairs batok sa China tungod sa padayong pagkuha sa ilang mga mananagat sa mga takubo diha sa Panatag (Scarborough) Shoal.

Ang gibuhat sa China pagyatak kini sa soberiniya sa Pilipinas matud pa sa pamahayag sa Malacañang kini bisan pa man ang tigpamaba sa Palasyo miingon nga ang gipanghimo sa maong mga langyaw diha sa Panatag Shoal nga sa ilang pagtuo ilang katungod kun unsay buhaton didto kay giangkon man sab nila kini.

Ang Panatag Shoal nga gitawag sab nga Bajo Masinloc sa panahon sa Katsila ug may international name nga Scarborough Shoal ug Democracy Shoal sakop sa munisipyo sa Masinloc sa probinsya sa Zambales.

Ang Panatag pormang trianggulo sa nagsunod nga mga bahora ug kabatohan nga may gilapdong 150 kilometro kwadrado.

Kini may gilay-ong 198 kilometros gikan sa kasadpang bahin sa Subic Bay  ug 220 kilometros gikan sa kinaduolang kayutaan sa Pilipinas nga mao ang Palauiq, Zambales sa silangang bahin niini.

Samtang 2,659 kilometros ang gilay-on sa Panatag Shoal gikan sa kinaduolang isla sa China nga mao ang Hainan Island.

Kung ang distansya lang maoy basehan, mas duol ang Pilipinas sa maong teritoryo ug mao kini ang tradisyonal nga panagatan sa mga Pilipino sukad pa kaniadto.

Apan karon, nangreklamo ang mga Pilipino tungod kay dili na gani sila makapaduol didto aron managat.

Human sa standoff niadtong tuig 2012 wala na mabawi pa sa Pilipinas ang kontrol sa maong teritoryo. Karon wala nay nakapakgang sa China sa ilang mga gipanghimo didto.

Samtang ang DFA mohimo og legal nga aksyon, mas maayo tingaling ipatuman sa Pilipinas ang mga environmental laws niini didto.

Sama sa pagpadala og mga barko sa BFAR ug coast guard aron mobantay didto tungod kay mao kini ang rason nganong nigara ang China sa ilang gipanghimo didto gumikan kay walay mamadlong kanila.

PANATAG SHOAL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with