Dili valid ang divorce nga makuha sa Filipino abroad
LEGAL CORNER - Divine Marcial Marshal (Banat) - April 14, 2019 - 12:00am

Dear Atty. Divine,

Minyo ko  og duna mi usa ka anak. Ang akong bana nagtrabaho sa US og 4 years na nga wa mouli. Sa pagsugod sige pa siya og padala og kwarta isip suporta namo. Apan since last year wa na siya magsuporta og panagsa na gani motawag. Usa sa akong amiga nga tua sad magtrabaho sa US misulti nako nga iyang nakit-an ang akong bana nga dunay kuyog nga babaye ug bata. Nagduda ko nga duna siyay laing pamilya busa akong giadto ang akong mother in law ug akong gi-confront about sa iyang anak ug mi-confirm kini nga naay laing pamilya sa US ang akong bana ug plano daw niini nga makig-divorce nako. Ang akong pangutana kun pwede ba siya mo-file og Divorce nga Filipino citizen pa man siya? Kun makakuha siya og divorce sa US, valid ba kini dinhi sa Pilipinas? Daghang salamat.—Carmel

Dear Carmel,

Kun makakuha og divorce decree ang imong  bana didto sa US dili kini valid dinhi sa  Pilipinas ug dili kini mamahimong ma-recognized  nganhi sa atong nasud kon Filipino citizen pa siya atol sa iyang pag-file niini. Isip usa ka Filipino ang imong national law maoy dapat  tumanon ug ang divorce wa kini itugot sa atong nasud busa dili mahimo nga maka-file og divorce ang Filipino citizen sa gawas sa nasud lakip na sa US gawas lang kun siya mamahimo nang citizen sa maong nasud. Busa kun ang imong bana mamahimo nang  US citizen mamahimo na siyang mo-file og divorce apan obligado gihapon siya nga mosuporta sa inyong anak. Thanks and God bless.—Atty. Divine

* * *

Alang sa inyong pangutana ipadala lang pinaagi sa email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

FILIPINO ABROAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with