Nameligro ang hustisya
LINTUNGANAY - Fred P. Languido (Banat) - April 14, 2019 - 12:00am

Nag-anam og kalubog ang dagan sa imbestigasyon pagpatay sa 16 anyos nga si Christine Lee Silawan.

Kini human usa ka 43 anyos nga lakip sa drug watchlist sa kapolisan sa Lapu-Lapu ang miangkong mihimo sa krimen.

Si Renato Llenes mitug-an nga siya maoy nagpatay ni Silawan ug mipanit sa nawong niini tungod sa iyang kalagot human niya masayri nga dili na kini virgin.

Sa iyang extra-judicial confession siya nangangkon nga nakonsensiya siya sa iyang gihimo.

Iyang gitataw nga nagbinugtong siya paghimo sa krimen ug way labot ang 17 anyos nga kanhi uyab sa dalagita nga unang gidakop sa National Bureau of Investigation.

Si Llenes miingon nga uyab niya ang dalagita pinaagi sa facebook. Nauyab niya kini gamit ang alyas nga CJ Diaz.

Niadtong Marso 11 nagsabot sila nga magkita apan dihang nakamatikod ang dalaga nga giilad siya sa lalaki misuway kini sa paglikay apan gisunod siya hangtud nga nahiabot sila sa hilit nga dapit sa Barangay Bankal.

Gisuwayan kuno niya paglugos ang dalagita apan wala siya nahimo tungod kay wala na mobarog ang iyang armas.

Tungod sa kasaba sa biktima iya kining gidunggab gamit ang gunting ug human gipanitan ang aping.

Didto kuno siya makakat-on pagpanit sa nawong sa iyang nakita sa you tube ug sa kontrobersiyal nga “momo challenge.”

Apan bisan sa iyang pag-angkon mas nitumaw ang daghang mga pangutana.

Unsay iyang motibo sa pag-angkon? Kun siya maoy nagpatay unsaon pagpasabot ang lama sa dugo nga nakit-an sa NBI didto sa sapatos ug sinina sa 17 anyos nga kanhi uyab ni Silawan?

Matud sa NBI nga nag-match ang DNA ni Silawan sa dugo nga didto sa sapatos ug sinina sa kanhi uyab. Gimaniobra ba sa NBI ang resulta aron iduot ang kanhi uyab? Unsay motibo sa NBI?

Bisan ang inahan mismo ni Silawan di motuo nga way apil ang kanhi hinigugma sa biktima.

Nakadugang sa kalibog ang wala sab magtugma nga resulta sa autopsy sa kapolisan ug sa eksperto sa Public Attorney’s Office.

Matud sa PNP Crime Laboratory wala malugos ang biktima. Apan matud sa PAO gilugos ang biktima.

Niining tanang mga nagsumpaki nga mga kasayuran, nag-ungaw sa dakong peligro nga makab-ot ang hustisya.

Kinsa may tuohan sa hukmanan karon, ang kaso sa kapolisan batok ni Llenes? O ang kaso sa NBI batok sa kanhi uyab sa biktima?

HUSTISYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with