Duterte gibasa ni Acierto
JAV, BANATI! - Javier Y. Tapulado (Banat) - April 14, 2019 - 12:00am

Kampanya sa pagpuo sa gidiling drugas dinhi sa Pilipinas maoy nakapadaog ni kanhi Davao City Mayor Rodrigo R. Duterte sa miaging 2016 presidential election pinaagi sa usa ka land slide votes gikan sa mga botante nga misalig sa iyang kaligdong ug katakos.

Ug siya na ang atong pangulo karon, kinsa kanunay’ng mipakita sa iyang kaisog sa pagpakiggubat sa gidiling drugas nga maoy nakaguba sa utok sa minilyong kinabuhi nga naulipon ning matang sa kamandag kang kansang aso ug dilaab ingon sa wala na gayoy pagkapalong.

Hapit sa tanang diskurso ni Pres. Duterte, naobserbaran nga mokalit lag sakdap sa iyang hunahuna ang mga dagway sa higanteng drug lords, kinsa iyang gipanghimaraot ug gidumtan. Ug sama sa bangis nga uwak, sila iyang gibaharang patyon.

Ug natinuod ba iyang bahad? Nganong kutob ra man sa mga mayor paubos ngadto sa kinagamyang pushers ang gipangtokhang sa iyang kapolisan?

May kalabotan kaha ang pagbukhad ni Police Colonel Eduardo Acierto, kanhi Officer in Charge sa PNP Anti-Illegal Drugs Group, ning top secret file atubangan sa publiko, diin nagtug-an nga si Yang Michael, kinsa nahilambigit sa illegal drug trade nahimong adviser ni Pres. Duterte?

Hinuon, daling nakapanagang ang Malakanyang batok sa maong isyu nga makaguba sa imahen ni Duterte. Giklaro sa Malakanyang nga wala mahiapil ang maong Yang Michael sa illegal drug trade ug natapos na ang pagka-adviser niini sa kataposan sa tuig 2018.

Dili buang si Acierto nga magtumotumo la’g buhat og estorya nga makadaot sa kinagamhanang lider ning atong nasod. Nahibalo siya unsay iyang dangatan kun mapamatud-an nga siya namakak lang.

Sigurado, naa gyud siya’y gihuptang kamatuoran, nga kinahanglang kombinsehon sa Malakanyang ang katawhan nga dili tinuod iyang mga pasangil.

Kay ning hitaboa, sama ra nga gibasa ni Acierto ang kalinis sa papel nga gitamdan ni Duterte ning iyang War on Drugs nga salida.

Ubay-ubay ang magduda nganong ang mga daotang dahon, sanga, bunga ug uban pang kabahin sa punoan ra man ang pamatyon sa kapolisan? Nganong dili man iapil ang mga daotang gamot nga maoy naghatag og kinabuhi ning maong mga daotan?

Gani, may nangutana: “ Wala kaha kini magpasabot nga siya, usa sab sa mga gamot?”

DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with