Wa makabayad sa abangan sa gipuy-an
Dear Atty. Divine,
Nag-abang ko sa among gipuy-an but na-delayed ko sa pagbayad og tulo ka buwan human nasakit ang akong anak. Apan nagsige ko og data data sa akong abangan.
Karong bag-o ang landlord mi demand nako nga pabayran nako in full ang akong balance or else iya kung papahawaon. Medyo apiki pa ko sa kwarta karon attorney ug ang akong pangutana kun makapugos ba nako ang landlord pagpabayad in full? Kun di ko makabayad pwede ba ko niya papahawaon? Daghang salamat.
Jane
* * *
Dear Jane,
Kun duna moy gipirmahan nga kontrata, ang terms and conditions sa Contract of Lease nga inyong gipirmahan mao gyud ang inyong tumanon. Apan bisan pa kun wa moy gipirmahan nga contract, obligado gyud ang nag-abang nga mobayad sa monthly rental og kun mapakyas siya sa pagbayad mamahimo gyud kini nga kabasihan sa pagpapahawa kaniya.
Sa imo nga kaso, kun napakyas ka sa pagbayad tungod kay nasakit imong anak mas maayo nga imong hangyuon ang imong landlord nga hatagan ka og igong panahon sa pagpangita og bayad apan kinahanglan gyud nga mangita ka og paagi nga imong mabayran ang imong balanse sa rental aron way rason nga papahawaon ka sa tag-iya. Thanks and God bless.
Atty. Divine
* * *
Alang sa inyong pangutana, ipadala lang pinaagi sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest