^

Kalibog sa Pagkab-ot sa Hustisya

LABTIK - Alan Domingo (Banat) - April 5, 2019 - 12:00am

Upat ka ahensya sa gobiyerno ang nakatutok karon sa kamatayon sa 16 anyos nga si Christine Lee Silawan, apil gani mismo si Presidente Duterte.

Una ang Philippine National Police nga mao gyud unta ang frontliner sa kaso apan misulod ang National Bureau of Investigation nga maoy nakasikop sa 17 anyos nga gitumbok nga mihimo sa krimen. Ang Public Attorney’s Office miapil usab nga mihimo og independent investigation nga mihimo sa reautopsy sa lawas ni Christine nga nauna nang gi autopsy sa PNP Crime Laboratory nga mao usay gi adopt sa NBI.

Ang resulta nga gipagawas sa forensic expert sa PAO adunay nagkatugma nga mao ang healed laceration sa genitalia sa biktima.

Apan gikompirmar sa PAO nga naay mga samad samad ug hematoma sa kinatawo sa dalagita nga wala sa finding sa PNP Crime Laboratory.

Nagpasabot matud pa kini nga gilugos ang biktima matod sa PAO Forensic expert nga si Dr. Erwin Erfe.

Ang finding sa PAO makatabang kaha kini sa pagkab-ot og hustisya sa dalagita o makapalawgaw lang sa kaso?

Makamugna na hinoon kini og pagduda sa kredibilidad sa ebidensya nga gisumiter sa NBI batok sa suspek o sa mga uban pang mga tawong nalambigit sa krimen.

Unta sa wala pa mohimo og reautopsy ang PAO nakig alayon una sila sa PNP Crime Laboratory aron seguradong magamit sa kaayohan sa kaso imbis makapalawgaw na hinoon.

Nindot tanawon nga daghang mga ahensya ang nagtutok sa kaso apan bati kon mag iyahay lang og pabida.

Nganong dili naman lang sila mag usa aron mahatagan og tinood nga hustisya ang biktima?

Hinoon ang PNP ug NBI mitataw nga hugot gihapon ang ilang koordinasyon sukwahi sa gipasiatab kuno sa uban nga wala kini magkasabot.

Ang findings sa PAO mahulog lang seguro nga walay kapuslanan kun dili dawaton sa NBI nga maoy lead agency.

Asa kaha mosangpot kining pagpangita sa hustisya sa kamatayon sa dalagita? Aw, huwaton nalang nato ang lintunganay niini.       

HUSTISYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with