Mananagat sa China
AMBOT LANG - Gerry Auxilio (Banat) - April 4, 2019 - 12:00am

Kapin sa duha ka gatos ka mga sakyanan sa dagat gikan sa China ang nagtuyok sa isla sa Pag-asa, ang labing dako nga isla sa siyam ka isla nga giokupar sa nasud sa Pilipinas nga kabahin sa singkuwenta kapin ka mga isla nga gitawag og Spratlys group of islands. 

Kauban sa Pag-asa mao ang mga isla nga Ayungin Shoal, Lawak Island, Parola Island, Patag Island, Kota Island, Rizal Reef, Likas Island ug Panata Island.

Gihulagway ni Lt. Col. Elpidio Factor sa Western Command nga nakabase sa Palawan nga ang maong mga sakyanan sa dagat iya sa maritime militia sa China nga ang tumong ug tuyo mao ang pagmentinar sa ilang presensiya sa dapit.

Nunot niini gipaabot sa nasud sa Pilipinas ang diplomatikanhong protesta batok sa China. Apan giingon sa China nga mananagat ang anaa sa dapit nga ilang gihulagway nga gilantugian pa.

Gamit sa China ang ilang mananagat sa pagsulod sa teritoryo sa Pilipinas kay ila kining gigamit nga rason sa matag higayon nga moalma ang Pilipinas.

Unang higayon nga misulod ang China sa teritoryo sa Pilipinas, gigamit nilang rason ang mananagat nga ilang giingong  mipasilong ug namahuway lamang dihang gisita. Tungod kay maabi-abihon tag bisita gitugotan silang makapahuway apan paglabay sa pila ka buwan ilang gipabarog ang istraktora sa militar sa China.

Sunod, mga mananagat gihapon sa China ang misulod sa teritoryo sa Pilipinas apan ang ilang dala mga gubaon ug dili na magamit sa pagpanagat. Mga pike silang mananagat. Gipapauli sila sa China. Hinuon nagpasulod pod og tinuod nga mananagat ang China sa teritoryo sa Pilipinas apan ilang gipangguba ang mga gasang ug corals ug gipangkuha ang mga produkto sa dagat nga giampingan sa Pilipinas.

Karon batalyon napod sa mga mananagat ang gipasulod sa China sa teritoryo sa Pilipinas. Hangtod kanus-a ang gobyerno sa Pilipinas magpailad sa China?

WEST PHILIPPINE SEA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with