Aron makuha ang maguwang buling
Dili sayon ang paglimpyo labina kun hugaw kaayo. Sa laing bahin ang makanunayong pagpanglimpiyo makapapha sa pinakagahing buling.
Kun ato kining gamiton ingon nga sanglitanan sa atong kinabuhi nagpasabot kini nga as much as possible dili makuha ang kausaban diha diha.
Kini tungod kay ang kinabuhi dili mausab dihadiha. Ug labaw sa tanan dili mausab sa dayon ang giisip nimong dali usbon.
Kini tungod kay ang kinabuhi puno sa proseso nga mahimong mahinog diha sa panahon.
Ang panahon karon gihulagway nga puno sa tumang kasayon.
Mao nga kun dunay kalisud moangal ang hingtungdan ug malisud alang nila ang pag-angkon nga lisud gyud diay puy-an ang dalan padulong sa tinud-anay nga katagbawan. Mao nga kun dunay suliran gamay man o dinagko dunay kahigayonan nga ang hingtungdan buot mokutlo sa kinabuhing hinulman.
Sa atong pagkuha sa buling sa kalibutan unahon una nato ang atong mga buling sa kaugalingon kay salikwaot kaayo nga atong unahon ang buling sa uban apan pabiling hugaw ang atong pagkatawo gumikan sa mga buling nga mipilit kanato.
Maligo una ‘ta ug kun malimpiyo na mas haom nga limpiyohan nato ang atong palibot aron sama nato mamahimo kining humot ug dili baho.
Kay mag-unsa man ang kahinlo sa palibot kun dunay mga bulingon nga wala mahinloi gumikan kay nagdumili nga hinloan sa ingon.
- Latest