Church collector gi-rape-patay, CHR, hain na man mo?
JAV BANATI - Javier Yntig Tapulado (Banat) - March 15, 2019 - 12:00am

Gihalad niya ang iyang panahon sa pagpangalagad sa Diyos isip church collector.

Sa miaging Domingo, Marso 10, sama sa naandan, mi-serve si Christine Silawan sa ika alas 6:00 sa hapon nga misa sa Sacred Heart Parish didto sa Barangay Pajac, Lapu-Lapu City.

Human sa misa, matud pa sa balita, gipahulat pa siya’g kadiyot sa iyang kauban sa pagpangalagad, kay midalikyat pag-adto sa pansayan.

Apan dihang migawas na sa comfort room ang kauban, wala nay Christine didto sa dapit, diin kini nagpaabot kaniya.

Usab, ang inahan ni Christine miingon nga bisag wala mouli ang naasoyng anak sa ilaha nianang gabii sa Domingo human sa misa, wala kaayo siya mabalaka kay usahay adto kini matulog sa balay sa iyang mga higala.

Apan  pagsiak sa masipang pahibalo, pagka-alas 9:00 sa buntag, Marso 11, nga may dalagitang gilugos-patay sulod sa bakanteng dos ektaryas nga luna sa Bangkal, Lapu-Lapu City, daw bulkang kabuthonon ang kakulba’ng gibati sa mapinanggaong inahan, kinsa miadto gilayon, diin maoy misugat sa iyang panan-aw ang nagbuy-od nga Christine, kinsa wala nay hapin ang ubos, nagisi na ang sinina, milugwa ang mata nga wala nay panit ang nawong ug gitabonan na lang sa tumang kaluoy’g pagbakho ang minahal nga wala nay kinabuhi.

Kutob sa kinsay nakakita, nakaingon gyud nga usa ka linuog-hinayop nga paagi ang mibuhat sa maong krimen. Bisan si Lapu-Lapu City Mayor Paz Radaza natandog ug miingon nga di buhat sa normal nga tawo ang ilang gihimo sa biktima.

Gumikan niini, daghang concerned citizens ang nangita-misiyagit: “Taga Commission on Human Rights, hain na mo? Intawon, suportahi kining naalaot nga gipatay sa mga kriminal nga pirme ninyong labanan. Aber, kamo kunoy dakop nila, bi!”

Sigurado, naabot na ning balitaa ni Tatay Digong. Segurado, giorderan na niya ang kapolisan sa paggukod sa mga kriminal.

Apan base sa nasinati sa katawhan, kamo taga Human Rights di ug wa gyud makaayon sa iyang estilo.

 Aber, kamo kunoy pangunay’g sulbad ini. Kanang mahataga’g tukmang hustisya si anhing Christine, ha?

CHURCH COLLECTOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with