Natulog ba ang Ginoo
AMBOT LANG - Gerry Auxilio (Banat) - March 14, 2019 - 12:00am

Moabot sa 30 ka mga samad dinunggaban ang naangkon sa 16 anyos nga biktima nga si Christine Lee Silawan nga taga Sityo Soong, Mactan, Lapu-Lapu City. Ang biktima patay nang napalgan sa lapad nga bakanting lote nga nahimutang sa Sityo Mahayahay, Bangkal, Lapu-Lapu City.

Gawas sa daghang samad dinunggaban, wala nay sapot sa ubos nga bahin sa iyang lawas ang biktima nga si Christine ug posibling gilaplapan o gibuboan og asido ang iyang nawong tungod kay bukog na lang ang nahabilin niini.

Sa wala pa mahitabo ang krimen, si Christine miserbisyo pa sa alas 4:00 nga misa isip collector sa Sacred Heart Church sa Pajac, Lapu-Lapu City. Apan human sa misa wala na kini mauli sa ilang balay hangtod nga napalgan kining patay sa sayong buntag pagka sunod nang adlaw.

Usa ka batan-on nga nag-alagad sa simbahan alang sa atong Ginoo ang gipatay. Pagpatay nga sobra pa sa linuog nga pagpatay. Pagpatay nga binuhatan sa demonyo.

Nganong nahitabo man kini sa biktima? Wala diay siya bantayi sa atong Ginoo nga unta gikan man siya sa simbahan ug nag-alagad kaniya? Posible nga dunay mangutana og ingon ani pero ayaw na lang ninyo pangutan-a ang Ginoo niini tungod kay dili ta makatugkad sa iyang mga plano.

Komusta man diay ang mga pari sa Sacred Heart church sa Pajac, Lapu-Lapu mitanyag na ba sila og mga pulong sa pag-ampo alang sa kalag sa namatay nga uban kanilang nag-alagad?

Ang krimen nga nahitabo dili binuhatan sa naa sa saktong pangisip kun dili binuhatan kini sa mga demonyo nga apiktado ang utok sa gidili nga drugas. Ako nagtuo nga ang naghimo sa kremin ubos gayod sa inpluwensiya sa gidili nga drugas.

Ang nahiaguman sa biktima buhing kamatuoran nga magdasig sa katawhan sa pag-abag gayud sa gobyerno sa gilusad niining gubat batok sa gidili nga drugas.

Panahon na gayod karon sa pagpakabana ug pagpanginlabot sa bisan unsang makita sa katawhan sa iyang palibot ilabi na kun ang nakataya mao ang seguridad sa katawhan ug sa iyang propiedad.

 

GINOO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with