Pag-isa sa kamot dili garantiya
JAV, BANATI! - Javier Yntig Tapulado (Banat) - February 28, 2019 - 12:00am

Lipay kaayo si kanhi mayor Michael Rama, kinsa magpapili pagka-bise mayor sa siyudad sa Sugbo karong May 13, 2019 midterm election nga giapil pag-isa iyang kamot ni Pres. Rodrigo Roa Duterte dungan sa pagpataas sab sa kamot ni kandidato pagkamayor, Edgardo Labella, sa miaging February 24 Partido Demokratiko Pilipino-Lakas ng Bayan (PDP) Laban, Cebu campaign rally nga gipahigayon sa Plaza Independencia.

Apan ambot, nakamatikod ba kaha ang nanan-aw, nga dihang namay-ongan ni Duterte nga usa diay si Mike sa iyang gituboy, miduol pagbalik si Duterte sa mikropono ug nangayog pasaylo nga wala dayon ma-acknowledge ang presensiya sa mga kandidato nga miadto didto sanglit wala kuno kaayo siya makaila sa tanan.

Pero, pagkangan nga sila nagkatapok, kini nagpasabot nga silang grupo nagkasinabot. Ug gipahimangnoan ni Duterte ang tanang nagpalandong sa iyang partido nga mosabot ug magkasinabot pod sa unsay ilang tumong ngadto sa katawhan.

Matud pang Presidential Spokeperson Salvador Panelo nga ang pag-isang Duterte sa kamot ni Rama, basig usa lamang ka timaan sa pagtahod ug dili usa ka pag-endorso sanglit ang ngalan ni Rama nalakip man kuno sa listahan sa mga drug protector niadtong tuig 2016, butang nga gihimakak pag-ayo ni Rama. Mipuno si Panelo nga basig giisag apil ang kamot ni Rama, kay dili gusto si Duterte nga maulawan ang kanhi mayor.

Posible sab kuno nga adunay bag-ong impormasyon nga naabot sa lamesa ni Duterte nagmatuod nga wala diay ma-involved sa illegal drug trade si Mike. Pero wala makaseguro si Panelo niini. Pangutan-on pa kuno niya ang presidente.

Hinuon, dili man si Duterte ang magpapili sa haring lungsod. Igo lang siyang miendorso sa mga kandidato nga mipakitag labok pagsuporta sa iyang vision-mission sa paghatag og kabag-ohan nga iyang gisaad nga maangkon natong Pinoy.

Nilang mikandidato, pipila kanila nakasulay na sa pagpangalagad sa publiko. Aduna na silay iyaiyang agi nga maoy basehan sa mga botante pagkomparar kon kinsa nilang magkaatbang sa politika ang angayng pilion.

Busa, dili ingnon nga giisa man ang kamot sa politiko ni Duterte, segurado nang modaug. Timan-i. May pasumbingay nga nagkanayon: “Kinsa kadtong magpataas, ipaubos. Ug kinsa kadtong magpaubos, ipataas.”

So please, vote wisely.

 

PAG-ISA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with