Abswelto na?
LINTUNGANAY - Fred Languido (Banat) - February 28, 2019 - 12:00am

Abswelto na ba si kanhi mayor Michael Rama sa pasangil nga kini protektor sa illegal nga drugas? Alang ni Rama nalimpiyo na ang iyang pangalan human ituboy ni Presidente Rodrigo Duterte ang iyang kamot niadtong Domingo atol sa rally sa PDP-Laban didto sa Plaza Independencia.

Lakip sila si Rama ug Bise Mayor Edgar Labella sa lokal nga mga kandidato sa Sugbo nga giisa sa presidente ang kamot timaan sa iyang suporta. Bisan di membro sa PDP-Laban apan nakahig si Rama sa pagtuboy tungod kay ang iyang running mate membro man sa partido sa presidente.

Si Rama sakop sa United Nationalist Alliance (UNA) ni kanhi vice president Jejomar Binay. Gani didto siya mosuporta ni Binay niadtong 2016 elections.

Gihinganlan siya ni Duterte makaduha gyud kahigayon nga usa sa mga politiko sa nasud nga nalambigit sa drugas. Hangtud karon wala pa bakwi-a ni Duterte ang maong pasangil. Si Rama kusganong nanghimakak sa maong pasangil ug nalukop og pakitabang ni bisan kinsa aron makaduol sa presidente.

Apan daw sa wala gyud siya molampos nga makakuha og higayon nga mahinabi si Duterte maylabot sa pasangil batok niya hangtud nga niabot ang kahigayonan niadtong Domingo.

Matud ni Rama nga dihang gitawag na ang mga kandidato sa dakbayan sa Sugbo alang sa photo opportunity uban sa presidente, miuban siya og iyang gipaila ang iyang kaugalingon nga maoy running mate ni Labella.

Sumala pa ni Rama nga iyang gihangyo si Duterte kun mahimo ba sab nga iisa niini ang iyang kamot uban ni Labella ug sa way pagduha-duha nisugot  kini.

Apan usa ka adlaw human sa hitabo, ang tigpamaba sa Malakanyang nga si Salvador Panelo miklaro nga ang gibuhat sa presidente agi lang og respito ug paglikay nga mauwawan si Rama.

Human sa nahitabo, way laing kapilian ang presidente gawas sa pagbakwi sa iyang unang pasangil batok ni Rama ug angkunon nga nasayop siya sa iyang pasangil.

Mawad-an og kridibilidad ang iyang kampanya batok sa drugas kun dili kini niya buhaton tungod kay kinsa pa may motuo niya kun ang iyang gipasanginlan iya ra pud nga ituboy?

Busa mosugot ug sa dili ang mga kaatbang sa politika ni Rama, ang pagtuboy sa iyang kamot niadtong Domingo maisip ni niyang dakong kadaugan sa paningkamot nga malimpiyo ang iyang pangalan.

 

ABSWELTO NA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with